完整藏文原文 · 德格版页 当前仅加载第 35 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱིན་གྱི་རླབས་ལ། མཁས་པས་ཆོས་ཀྱི་གཏམ་ཆེན་པོ་བྱེད་དེ། སྟོབས་དང་ཤུགས་ཀྱི་དབང་ཐུབ་པ་མེད་པ་དང་། འཇིགས་པ་མེད་པའི་དབང་ཞུམ་པ་མེད་པ་དང་། ཆོས་ཀྱི་དབང་ཟིལ་གྱིས་མི་ནོན་པ་དང་། ཡེ་ཤེས་ཀྱི་དབང་
D44.035.0296a01.01གཞན་གྱིས་མི་ཐུབ་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་དབང་ཆོས་ཀྱི་མཚན་ཉིད་འཁྲུགས་པ་མེད་པ་དང་། ཐ་དད་པ་ཡང་དག་པར་ཤེས་པའི་དབང་མཚམས་སྦྱོར་བ་རྒྱུན་ཆད་པ་མེད་པར་བསམ་པ་ཤིན་ཏུ་རྟོགས་པ་དང་། གཟུངས་ཀྱི་དབང་ཆོས་ཐམས་ཅད་རྣམ་པར་
D44.035.0296a02.01གདོན་{མྱི་,མི་}ཟ་བ་ལ་འཇུག་པ་དང་། སྨོན་ལམ་གྱི་དབང་དཔེ་སྣ་ཚོགས་ཀྱིས་བསྟན་པའི་ཚུལ་ཉེ་བར་བསྒྲུབ་པ་ཤིན་ཏུ་བསྟན་པ་དང་། སྙིང་རྗེ་ཆེན་པོའི་དབང་ཕྱིར་མི་ལྡོག་ཅིང་རྒྱུན་མ་ཆད་པ་དང་། བྱམས་པ་ཆེན་པོའི་དབང་སྔོན་ཤིན་ཏུ་བསྐྱེད་པས་བསམ་པ་ཐམས་ཅད་ཚིམ་
D44.035.0296a03.01པར་བྱེད་ཅིང་། འོད་ཟེར་གྱི་དྲ་བ་ཆེན་པོ་གཏོང་བས་ཆོས་ཀྱི་གཏམ་ཆེན་པོ་བྱེད་དོ། །དེ་དག་ནི་དེ་བཞིན་གཤེགས་པ་སེང་གེའི་གདན་ལ་བཞུགས་ཤིང་ཆོས་ཀྱི་གཏམ་གསུང་བ་དང་། བྱང་ཆུབ་སེམས་དཔའ་ཡེ་ཤེས་དང་སྨོན་ལམ་གྱི་ཁྱད་པར་དང་ལྡན་པ་མ་གཏོགས་
D44.035.0296a04.01པར་སེམས་ཅན་གྱི་རིས་ན། བྱང་ཆུབ་སེམས་དཔའ་དེ་ལ་ཕྱིར་བརྒལ་བའམ། སྤྱི་གཙུག་བལྟ་བའམ། ཟིལ་གྱིས་གནན་པའམ། དྲི་བའི་ཚོགས་ཡོངས་སུ་དྲི་བས་ཐུབ་པར་བྱ་བར་ནུས་པའི་སེམས་ཅན་གང་ཡང་མེད་དེ། དེ་ནི་གནས་མེད་དོ། །ཀྱེ་རྒྱལ་བའི་
D44.035.0296a05.01སྲས་གལ་ཏེ་བྱང་ཆུབ་སེམས་དཔའ་དབང་དེ་ལྟ་བུ་ཐོབ་པ་ལ་འཇིག་རྟེན་གྱི་ཁམས་བརྗོད་དུ་མེད་པ་ཙམ་དུ་ཡངས་པའི་འཁོར་གྱི་དཀྱིལ་འཁོར་གཅིག་ཡོད་ལ་འཁོར་གྱི་དཀྱིལ་འཁོར་དེ་ཡང་སེམས་ཅན་སྟོང་གསུམ་གྱི་བདག་པོའི་གཟི་བརྗིད་ཐོབ་པ་ཤ་སྟག་གིས་གང་བ་ཞིག་ཡིན་
D44.035.0296a06.01ན་ཡང་། དེ་དག་ཐམས་ཅད་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་འོངས་མ་ཐག་ཏུ་ལུས་བསྟན་པའི་དབང་གིས་ཟིལ་གྱིས་མནན་ཏེ། བྱམས་པ་ཆེན་པོའི་དབང་གིས་ལུས་ཀྱི་གཞི་ཚིམ་པར་བྱས་ནས་ཡེ་ཤེས་ཆེན་པོའི་དབང་གིས་སེམས་དང་བསམ་པ་རྣམ་
D44.035.0296a07.01