完整藏文原文 · 德格版页 当前仅加载第 35 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བ། རྣམ་པ་གཞན་དང་གཞན་གྱིས་འཇུག་པ། རྒྱན་གཞན་དང་གཞན་ཡོད་པ། གཞན་དང་གཞན་གྱིས་རྒྱས་པར་འགེངས་པ། གཞན་དང་གཞན་དུ་འདུ་བ། རྣམ་པ་གཞན་དང་གཞན་དུ་མ་འདྲེས་པ། རྣམ་པར་འཕྲུལ་བ་དང་། བྱིན་གྱི་
D44.035.0110a01.01རླབས་གཞན་དང་གཞན་ཡོད་པ་དག་སྟེ། ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་པདྨོའི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་རིན་པོ་ཆེའི་ཁ་དོག་མཐའ་ཡས་པའི་མེ་ཏོག་རྒྱ་མཚོ་ལ་རབ་
D44.035.0110a02.01ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་རིན་པོ་ཆེའི་འཕྲེང་བ་མུ་ཏིག་གི་འབྲུའི་སྙིང་པོ་ཅན་གྱི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་སྤོས་ཆུའི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་
D44.035.0110a03.01ཁམས་རྒྱ་མཚོ་འབྱམ་ཀླས་པ་ལ་ལ་ནི་མེ་ཏོག་ཐམས་ཅད་ཀྱི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་ནོར་བུ་རིན་པོ་ཆེའི་དྲ་བའི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་
D44.035.0110a04.01འོད་གཟེར་གྱི་རྒྱ་མཚོ་ཀློང་དུ་གྱུར་པའི་ཆུ་བོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི། བྱང་ཆུབ་སེམས་དཔའི་ནོར་བུའི་ཅོད་པན་སྣ་ཚོགས་ཀྱི་རྒྱན་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་
D44.035.0110a05.01སེམས་ཅན་གྱི་ལུས་སྣ་ཚོགས་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི། སངས་རྒྱས་ཐམས་ཅད་ཀྱི་གསུང་ནོར་བུའི་རྒྱལ་པོ་ལ་རབ་ཏུ་གནས་སོ། །དེ་དག་ལ་{སྩོགས་,སོགས་}པ་འཇིག་རྟེན་གྱི་ཁམས་རྒྱ་མཚོ་འབྱམ་ཀླས་
D44.035.0110a06.01པའི་གནས་ཤིན་ཏུ་བསྟན་པ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །འཇིག་རྟེན་གྱི་ཁམས་རྒྱ་མཚོ་ཐམས་ཅད་ཀྱང་དབྱིབས་གཞན་དང་གཞན་དུ་འདུག་པ་ཤ་སྟག་སྟེ། འཇིག་རྟེན་གྱི་ཁམས་རྒྱ་མཚོ་འབྱམ་ཀླས་པ་ལ་ལ་ནི་རི་རབ་ཀྱི་དབྱིབས་
D44.035.0110a07.01