完整藏文原文 · 德格版页 当前仅加载第 35 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཤེས་ཏེ། །ཀྱེ་རྒྱལ་བའི་སྲས་དག་དེ་དག་ལ་སོགས་པ་འཇིག་རྟེན་གྱི་ཁམས་དབྱངས་སྒྲོག་པ་ན། མཚན་བྱེ་བ་བརྒྱ་སྟོང་ཕྲག་བཅུར་དེ་བཞིན་གཤེགས་པ་སེམས་ཅན་རྣམས་ཀྱིས་རབ་ཏུ་ཤེས་སོ། །ཀྱེ་རྒྱལ་བའི་སྲས་དག་ཇི་ལྟར་འཇིག་
D44.035.0184a01.01རྟེན་གྱི་ཁམས་མི་མཇེད་འདི་ན་དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་པ་དེ་བཞིན་དུ་ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཚད་མེད་པ་གྲངས་མེད་པ། དཔག་ཏུ་མེད་པ་བསམ་གྱིས་{མྱི་,མི་}ཁྱབ་པ་མཚུངས་པ་མེད་པ་ཀུན་ཏུ་མཐའ་ཡས་པ་མུ་མེད་པ་ས་
D44.035.0184a02.01མཚམས་མེད་པ་བརྗོད་དུ་མེད་པ། ཆོས་ཀྱི་དབྱིངས་ཀྱིས་ཀླས་པ། ནམ་མཁའི་དབྱིངས་ཀྱི་མཐས་གཏུགས་པའི་འཇིག་རྟེན་གྱི་ཁམས་ཐམས་ཅད་ན་ཡང་། དེ་བཞིན་གཤེགས་པ་སེམས་ཅན་རྣམས་ཀྱིས་རབ་ཏུ་ཤེས་སོ། །གཞུང་དེ་ལྟར་ལྷོ་ཕྱོགས་དང་། དེ་བཞིན་དུ་ནུབ་
D44.035.0184a03.01ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་མཚམས་དང་། དེ་བཞིན་དུ་ཤར་ལྷོའི་ཕྱོགས་མཚམས་དང་། དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་ནུབ་བྱང་གི་ཕྱོགས་མཚམས་དང་། དེ་བཞིན་དུ་འོག་གི་ཕྱོགས་དང་། དེ་བཞིན་དུ་སྟེང་གི་
D44.035.0184a04.01ཕྱོགས་ཀྱི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཚད་མེད་པ་གྲངས་མེད་པ། དཔག་ཏུ་མེད་པ་བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ་ས་མཚམས་མེད་པ་བརྗོད་དུ་མེད་པ་ཆོས་ཀྱི་དབྱིངས་ཀྱིས་ཀླས་པ་ནམ་མཁའ་དབྱིངས་ཀྱི་མཐས་
D44.035.0184a05.01གཏུགས་པའི་འཇིག་རྟེན་གྱི་ཁམས་ཐམས་ཅད་ན་འང་། དེ་བཞིན་གཤེགས་པ་སེམས་ཅན་རྣམས་ཀྱི་རབ་ཏུ་ཤེས་ཏེ། སྔོན་བཅོམ་ལྡན་འདས་ཀྱིས་བྱང་ཆུབ་སེམས་དཔར་གྱུར་པའི་ཚེ། ཡོངས་སུ་སྨིན་པར་མཛད་པ་དེ་དག་གིས་ནི་སྤྱོད་པ་རྣམ་པ་ཐ་དད་པ་དང་།
D44.035.0184a06.01གསུང་གི་རྣམ་པ་ཐ་དད་པ་དང་། ང་རོ་རྣམ་པ་ཐ་དད་པ་དང་། ཕྲིན་ལས་རྣམ་པ་ཐ་དད་པ་དང་། རྣམ་པར་སྨིན་པ་རྣམ་པ་ཐ་དད་པ་དང་། སྐྱེ་མཆེད་རྣམ་པ་ཐ་དད་པ་དང་། སྦྱོར་བ་རྣམ་པ་ཐ་དད་པ་དང་། དབང་པོ་རྣམ་པ་ཐ་དད་པ་དང་། མོས་པ་རྣམ་པ་ཐ་དད་པ་དང་།
D44.035.0184a07.01