完整藏文原文 · 德格版页 当前仅加载第 35 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅུ་པ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་མེ་ཏོག་སྣ་ཚོགས་རབ་ཏུ་བཀྱེ་བའི་དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་རྒྱ་མཚོའི་
D44.035.0124a01.01སྨོན་ལམ་རབ་ཏུ་སྒྲོག་པའི་དབྱངས་ཤེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་གློང་གིས་རབ་ཏུ་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རིན་པོ་ཆེའི་མཚན་གྱིས་ཡང་དག་པར་བརྒྱན་པའི་འོད་ཅེས་བྱ་བ་བཞུགས་སོ། །དེའི་
D44.035.0124a02.01སྟེང་ན་འཇིག་རྟེན་གྱི་ཁམས་སྲ་ཞིང་མི་ཤིགས་པའི་གཞི་ཡོངས་སུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྒྲ་དབྱངས་ཀྱི་གསུང་སྙན་དམ་པའི་ལྷ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གཞི་ཐམས་ཅད་ནས་འོད་ཀྱི་སྤྲུལ་པ་བཟང་པོ་ཞེས་བྱ་བ་ཡོད་དེ། དེ་ན་དེ་
D44.035.0124a03.01བཞིན་གཤེགས་པ་བརྩོན་འགྲུས་ཞི་བ་མཆོག་གི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྒྱན་ཤིན་ཏུ་བསྲུངས་པས་སྤྱོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འགྲོ་བ་མངོན་སུམ་དུ་དགའ་བར་ལྟ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་
D44.035.0124a04.01གྱི་ཁམས་ཨིནྡྲ་ནཱི་ལ་དང་། ཙན་དན་གྱི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་སྒུལ་བ་ཟབ་པ་འོད་ཟེར་རྣམ་པར་སྣང་བ་བསམ་གྱིས་མི་ཁྱབ་པའི་བློ་གྲོས་ཤེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཁ་དོག་རྒྱ་མཚོ་སྣ་ཚོགས་སྟོན་པ་ཞེས་བྱ་བ་
D44.035.0124a05.01ཡོད་དེ། དེ་ན་དེ་བཞིན་གཤེགས་པ་ཀུན་ཏུ་འོད་རབ་ཏུ་འགྱེད་པ་བསམ་གྱིས་མི་ཁྱབ་པའི་དོན་མངོན་པར་མཛེས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཕྱོགས་བཅུའི་སྤྲུལ་པ་ཤིན་ཏུ་འབར་བའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་གྱི་
D44.035.0124a06.01གཟི་བརྗིད་དམ་པ་མཉམ་པ་མེད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རི་རབ་ཀྱི་སྤྲིན་གྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤུགས་ཀྱི་འོད་ཚངས་པའི་སྤྱན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་
D44.035.0124a07.01