完整藏文原文 · 德格版页 当前仅加载第 35 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །རྒྱ་མཚོ་ཐ་དད་ཡང་དག་ཤེས་པས་འཇུག །ཞིང་རྣམས་བརྗོད་དུ་མེད་པ་ཐམས་ཅད་དུ། །འགྲོ་བ་ཀུན་ལ་སངས་རྒྱས་ལེགས་བརྗོད་པས། །དེ་ཕྱིར་ཡོན་ཏན་སངས་རྒྱས་ཞིང་ཀུན་གྲགས། །དེ་ནི་རྗེས་སུ་སྤོས་མིག་ལྷ་ཡང་དྲན། །མཐའ་ཡས་ཤིང་གི་རྣམ་པ་སྣ་
D44.035.0050b01.01ཚོགས་གཟུགས། །བྱང་ཆུབ་ཤིང་ལ་ཀུན་ཀྱང་མ་ལུས་བསྟན། །རྡོ་རྗེ་སྣ་ཚོགས་སྤྲིན་གྱི་ལྷ་དེ་ནི། །བྱང་ཆུབ་ཤིང་ལ་དགའ་བར་རྣམ་པར་ལྟ། །སངས་རྒྱས་ཡེ་ཤེས་སྙིང་པོ་བྱང་ཆུབ་ལ། །ཕྱོགས་རྣམས་ཀུན་ཏུ་མཐའ་དང་མུ་མེད་དེ། །པདྨོ་སྣང་ཞིང་གསལ་བའི་ལྷ་
D44.035.0050b02.01དེ་ནི། །རྣམ་ཐར་རྣམ་ཡངས་འདི་ལ་རབ་དགའ་འོ། །སངས་རྒྱས་སྟོབས་རྣམས་ཡོངས་དག་བསམ་མི་ཁྱབ། །སྙིང་པོ་བྱང་ཆུབ་འདིར་ནི་ཀུན་ཀྱང་གྲག །ཡང་དག་བསྒྲུབས་པས་བྱུང་བ་དེ་དག་ནི། །ཐམས་ཅད་སྣ་ཚོགས་སྣང་བའི་འོད་ཉན་ཏོ། །དེ་ལ་རྐང་གིས་འགྲོ་
D44.035.0050b03.01རིན་ཆེན་དཔལ་གྱི་ཕྱག་རྒྱའི་རྣམ་པར་ཐར་པ་ནི། དགའ་བ་ཡངས་པ་རིན་པོ་ཆེའི་ཆར་གྱིས་ཀུན་ཏུ་ཁྱབ་པ་ཞེས་བྱའོ། །རྐང་གིས་འགྲོ་པདྨོ་སྣང་བའི་འོད་ཟེར་གྱི་འོད་ཀྱི་རྣམ་པར་ཐར་པ་ནི། །སངས་རྒྱས་ཀྱི་སྐུ་འོད་ཟེར་གྱི་ཁ་དོག་པདྨོའི་དྲ་བ་ཐམས་ཅད་དུ་སྟོན་པས་དགའ་བར་བྱེད་
D44.035.0050b04.01པ་ཞེས་བྱའོ། །རྐང་གིས་འགྲོ་མེ་ཏོག་གཙུག་ཕུད་ཀྱི་དཔལ་དྲི་མ་མེད་པའི་རྣམ་པར་ཐར་པ་ནི། སེམས་ཀྱི་སྐད་ཅིག་ཐམས་ཅད་ལ་དེ་བཞིན་གཤེགས་པའི་འཁོར་གྱི་དཀྱིལ་འཁོར་གྱི་དབྱིབས་དང་རྒྱན་འབྱུང་བ་ཞེས་བྱའོ། །རྐང་གིས་འགྲོ་ཤིན་ཏུ་མཛེས་པར་གནོན་པའི་
D44.035.0050b05.01རྣམ་པར་ཐར་པ་ནི། གོམ་པ་འདོར་བ་ཐམས་ཅད་མཐའ་ཡས་པ་འདུལ་བའི་རྒྱན་ཅེས་བྱའོ། །རྐང་གིས་འགྲོ་རིན་ཆེན་དཔལ་གྱི་རྒྱལ་མཚན་གྱི་རྣམ་པར་ཐར་པ་ནི། སྐད་ཅིག་གཅིག་གིས་པདྨོའི་དྲ་བ་སྣ་ཚོགས་སྤྲུལ་པ་བྱེད་ཅིང་རིན་པོ་ཆེའི་ཆར་པ་དང་དབྱངས་དང་སྣང་བ་ཀུན་
D44.035.0050b06.01ཏུ་འགྱེད་པ་ཞེས་བྱའོ། །རྐང་གིས་འགྲོ་དགའ་བའི་དབྱངས་སྙན་པའི་རྣམ་པར་ཐར་པ་ནི། དགའ་བའི་ཤུགས་དང་ཉམས་བདེ་བའི་རྒྱ་མཚོ་མཐའ་ཡས་པ་འབྱུང་བ་ཞེས་བྱའོ། །རྐང་གིས་འགྲོ་ཤིང་ཙན་དན་གྱི་འོད་ཀྱི་རྣམ་པར་ཐར་པ་ནི། །འཁོར་གྱི་དཀྱིལ་འཁོར་ཐམས་ཅད་དུ་
D44.035.0050b07.01