完整藏文原文 · 德格版页 当前仅加载第 35 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
གདུལ་དཀའ་ཐམས་ཅད་རྣམ་པར་འདུལ། །སངས་རྒྱས་འོད་ཟེར་སྒོ་རྣམས་ནས། །སྒྲ་དབྱངས་ཟབ་མོ་རྟག་ཏུ་འབྱུང་། །སངས་རྒྱས་ཡོན་ཏན་རྒྱ་མཚོ་ནི། །བྱང་ཆུབ་སེམས་དཔའི་སྤྱོད་ཡུལ་ལོ། །སངས་རྒྱས་ཆོས་ཀྱི་འཁོར་ལོ་དག །
D44.035.0079a01.01མཐའ་དང་དབུས་མེད་རབ་ཏུ་བསྐོར། །ཡེ་ཤེས་ཟབ་མོ་ཤེས་བྱ་བ། །རྒྱ་ཆེ་ཕྱོགས་སུ་རབ་ཏུ་སྟོན། །འཇིག་རྟེན་ཁམས་རྣམས་ཐམས་ཅད་དུ། །རྣམ་པར་འཕྲུལ་པ་གཞན་དང་གཞན། །ཆོས་ཀྱི་དབྱིངས་རྣམས་ཀུན་བཀང་ཞིང་། །ཡང་དག་སངས་རྒྱས་
D44.035.0079a02.01སྟོན་པ་མཛད། །སྐུ་རྣམས་རེ་རེ་ཀུན་ནས་ཀྱང་། །ཞིང་རྣམས་ཀུན་གྱི་རྡུལ་མཉམ་པར། །སངས་རྒྱས་སེམས་ཅན་མཉམ་ཕྱུང་ཞིང་། །རྣམ་པར་འཕྲུལ་པ་རབ་ཏུ་སྟོན། །དེ་ནས་བྱང་ཆུབ་སེམས་དཔའ་ཆོས་ཀྱི་མཚོ་རྣམ་པར་སྣང་བའི་བློ་གྲོས་ཀྱིས།
D44.035.0079a03.01སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་ཀྱི་དབྱིངས་རྣམས་ཀུན་ཁྱབ་པར། །སངས་རྒྱས་སྐུ་ནི་རྣམ་པར་མཛེས། །རྒྱ་ཆེན་གསུང་ནི་རང་བྱུང་བ། །ཞིང་རྣམས་རྒྱ་མཚོར་ཤིན་ཏུ་
D44.035.0079a04.01སྒྲོག །འཇིག་རྟེན་ཐམས་ཅད་ཀུན་འཇུག་པར། །འཇིག་རྟེན་མགོན་པོ་ཤིན་ཏུ་མཛེས། །འགྲོ་བ་ཀུན་གྱི་བསམ་མཁྱེན་ཅིང་། །བྱིན་གྱི་རླབས་ནི་རབ་ཏུ་སྟོན། །སངས་རྒྱས་འཇིག་རྟེན་ཀུན་ལ་མངོན། །སེམས་ཅན་ཐམས་ཅད་བསམ་པ་བཞིན། །
D44.035.0079a05.01ཐམས་ཅད་གཟིགས་པ་སངས་རྒྱས་ཀྱི། །རྣམ་པར་འཕྲུལ་པ་ཐམས་ཅད་མཐོང་། །མཐའ་ཡས་འོད་མངའ་སངས་རྒྱས་སྤྲིན། །ཆོས་རྣམས་རྒྱ་མཚོའི་འབྲུག་ཀྱང་སྒྲོག །ཡེ་ཤེས་རྣམ་རྒྱུའི་ཚུལ་བཞིན་དུ། །རྒྱལ་བའི་སྲས་རྣམས་དེ་ལ་འཇུག །
D44.035.0079a06.01འཇུག་པ་རྣམས་ལ་འབྱུང་བ་མེད། །འབྱུང་བ་ཡོད་པ་རྣམ་པར་བསྟན། །གང་ལ་སངས་རྒྱས་བཞུགས་པ་ཡི། །ཆོས་རྣམས་འབྱུང་བ་ནམ་མཁའ་བཞིན། །འཕོ་དང་གནས་པ་མི་མངའ་སྟེ། །འོན་ཀྱང་རྒྱལ་བ་ཀུན་ན་སྣང་། །སངས་རྒྱས་ཆོས་ཀྱི་
D44.035.0079a07.01