完整藏文原文 · 德格版页 当前仅加载第 35 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཀྱི་སྟོབས་ནམ་མཁའི་སྒྲོན་མ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་གློག་གི་ཕྲེང་བ་རབ་ཏུ་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་
D44.035.0121b01.01པ་ཕ་རོལ་ཏུ་ཕྱིན་པ་ཐམས་ཅད་ཀྱི་བསོད་ནམས་རྒྱ་མཚོའི་མཚན་ཉིད་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འཁོར་ལོའི་ཚོན་གྱིས་ཀུན་ནས་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆགས་པ་ཐམས་ཅད་རྣམ་པར་
D44.035.0121b02.01གདུལ་བས་དགའ་བ་མཛད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་ཟེ་བ་ཡིད་དུ་འོང་བའི་རྒྱལ་མཚན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་གྲགས་པ་ཆེན་པོ་དང་། ཡོན་ཏན་ཡངས་པའི་
D44.035.0121b03.01དབྱངས་རྣམ་པར་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་བསམ་གྱིས་མི་ཁྱབ་པའི་རྒྱན་གྱིས་ཀུན་ཏུ་བརྒྱན་པས་མཛེས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་མ་འདྲེས་པའི་འོད་ཟེར་ཡོན་ཏན་
D44.035.0121b04.01རྒྱ་མཚོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་མི་ཟད་པའི་རྒྱལ་མཚན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་
D44.035.0121b05.01ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་ཆུའི་རྒྱ་མཚོ་ལ་རབ་ཏུ་གནས་པ། པདྨོའི་རྒྱན་གྱི་དབྱིབས་ལྟར་འདུག་པ། ནོར་བུའི་རྒྱལ་པོ་པདྨོ་སྣང་བའི་བླ་རེའི་དྲ་བས་ཀུན་ནས་ཡོག་པ་
D44.035.0121b06.01ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ཚད་མེད་པ་དྲི་མ་མེད་པའི་འོད་ཅེས་བྱ་བ་བཞུགས་སོ། །དེའི་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རྡོ་རྗེའི་དཔལ་རིན་པོ་ཆེ་འོད་འཕྲོ་བ་རབ་ཏུ་སྣང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སངས་རྒྱས་ཀྱི་
D44.035.0121b07.01