完整藏文原文 · 德格版页 当前仅加载第 35 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་མང་བ་ཅིར་མི་སྟོན། །སྔགས་ཀྱི་ཚུལ་མཁས་སྒྱུ་མ་མཁན་པོ་ཡང་། །སྣ་ཚོགས་མཐའ་ཡས་གཟུགས་མང་སྟོན་པ་བྱེད། །ཉིན་མཚན་ཡུད་དང་ཟླ་བ་ལོ་བརྒྱ་དང་། །ཁྱིམ་བཟང་རྒྱས་པ་ཤིན་ཏུ་མཛེས་པ་སྟོན། །འདོད་ཆགས་སྡང་ལྡན་སྒྱུ་མའི་མཁན་པོ་
D44.035.0234b01.01ཡང་། །སྒྱུ་མའི་འཕྲུལ་གྱིས་འཇིག་རྟེན་དགའ་བར་བྱེད། །བསམ་གཏན་མངོན་ཤེས་རྣམ་འཕྲུལ་རབ་བྱང་བ། །སྤྱོད་པ་ཚུལ་མཁས་ཅི་ཕྱིར་དགའ་མི་བྱེད། །ལྷ་དང་ལྷ་མིན་དབང་པོ་འཐབ་པའི་ཚེ། །ལྷ་མིན་ལྷ་ཡང་རུང་སྟེ་གང་ཕམ་པ། །དེ་དག་བཞོན་པ་
D44.035.0234b02.01ཐེག་པ་གདུགས་བཅས་པར། །གོ་ཅ་གྱོན་བཞིན་འཇིགས་པས་ཀུན་ཏུ་བྱེར། །ལྷ་དབང་དེ་དག་འདོད་ཆགས་སྡང་ལྡན་ཡང་། །ལུས་ཀྱི་རྣམ་འཕྲུལ་བསམ་གྱིས་{མྱི་,མི་}ཁྱབ་སྟོན། །དབང་ཕྱུག་རྫུ་འཕྲུལ་གནས་པའི་དཔའ་བོ་རྣམས། །ལུས་ཀྱི་རྣམ་འཕྲུལ་ཅི་ཕྱིར་སྟོན་
D44.035.0234b03.01མི་བྱེད། །རྡོ་རྗེ་འཛིན་པའི་གླང་པོ་ཤུགས་ལྡན་པ། །འཕྲུལ་ཆེན་གླང་པོའི་དབང་པོའི་འཁོར་གྱུར་པ། །མགོ་མང་སུམ་བཅུ་རྩ་གཉིས་སྤྲུལ་པ་བྱེད། །མགོ་རྣམས་ཀུན་ལའང་མཆེ་བ་དྲུག་དྲུག་སྟེ། །སོ་རྣམས་རེ་རེ་ཀུན་ལའང་རྫིང་གི་རྣམས། །བདུན་
D44.035.0234b04.01བདུན་ཆུས་རྒྱས་ཡོངས་སུ་སྤྲུལ་པ་བྱེད། །རྫིང་རྣམས་རེ་རེ་ཀུན་ཏུ་པད་མོ་རྣམས། །བདུན་བདུན་རྒྱན་གྱིས་རྣམ་བརྒྱན་སྤྲུལ་པ་བྱེད། །པད་མོ་རེར་ཡང་ལྷ་ཡི་བུ་མོ་དག །སྒྱུ་རྩལ་ཀུན་མཁས་བདུན་བདུན་སྤྲུལ་པ་བྱེད། །དེ་དག་རྩེད་མོ་གླུ་གར་ཚུལ་ལ་མཁས། །སུམ་
D44.035.0234b05.01ཅུ་རྩ་གསུམ་དབང་པོ་དེ་དང་རྩེ། །གླང་པོ་དེ་ཡང་གླང་པོའི་ལུས་བཏང་ཞིང་། །ལྷ་རྣམས་ཀུན་དང་མཉམ་ཞིང་འདྲ་བར་རྫུ། །སྤྱོད་པའི་ཚུལ་དང་ལོངས་སྤྱོད་ཀུན་དང་མཐུན། །གླང་པོ་མཆོག་གི་རྣམ་འཕྲུལ་ཅི་འདྲ་ལྟོས། །དེ་ནི་འདོད་ཆགས་ཞེ་སྡང་གཏི་
D44.035.0234b06.01མུག་ཅན། །འོན་ཀྱང་དེ་འདྲའི་རྫུ་འཕྲུལ་སྟོན་བྱེད་ན། །ཤེས་རབ་ཐབས་ཀྱི་སྟོབས་ལ་བྱང་གྱུར་རྣམས། །ཏིང་འཛིན་བརྒྱས་ཀྱང་ཇི་རོབ་འཕྲུལ་མི་བྱེད། །སྒྲ་གཅན་ཅི་དགའི་ཚུལ་དུ་ལུས་རྫུ་ན། །རྡོ་རྗེའི་གཞི་ལ་རྐང་པའི་མཐིལ་བོར་ཞིང་། །རྒྱ་མཚོའི་ཟབ་རིང་
D44.035.0234b07.01