完整藏文原文 · 德格版页 当前仅加载第 35 函德格 320b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འང་མངོན་པར་ཆགས་པ་མེད་དོ། །སངས་རྒྱས་ཀྱི་ཞིང་ཐམས་ཅད་དུ་ཡང་སྣང་ངོ་། །སངས་རྒྱས་རྣམས་ལ་ཡང་འཇུག་ཅིང་ཁོང་དུ་ཆུད་པར་བྱེད་དེ། ལས་ལ་རྣམ་པར་རྟོག་པར་མི་བྱེད་དོ། །དོན་ཀྱང་ཤིན་ཏུ་རྟོགས་པ་ཡིན་ནོ། །དོན་གྱི་ཡི་གེ་ཡང་
D44.035.0320b01.01ཡོངས་སུ་བརྗོད་དོ། །ཆོས་འདོད་ཆགས་དང་བྲལ་བའི་མཐར་ཕྱིན་པ་ཐམས་ཅད་ཀྱང་ཤེས་སོ། །རབ་ཏུ་ཤེས་སོ། །ཁོང་དུ་ཆུད་དོ། །བྱང་ཆུབ་སེམས་དཔའི་ལམ་དང་ཡང་མི་འབྲལ་ཏེ། བྱང་ཆུབ་སེམས་དཔའི་སྤྱོད་པ་ལས་ཀྱང་ཕྱིར་མི་ལྡོག་གོ །
D44.035.0320b02.01ཆོས་ཀྱི་དབྱིངས་སུ་བཟུང་བ་ལས་དབང་སྒྱུར་བར་ཞུགས་པས་ཟད་མི་ཤེས་པའི་སྤྱོད་པ་དང་ལྡན་པ་ཡིན་ནོ། །འདི་ལྟ་སྟེ་དཔེར་ན། གཙུབ་མ་ལས་བྱུང་བའི་མེའི་རྒྱུ་ཚད་མེད་པས། མེའི་དགོས་པ་ལས་མ་འགགས་པ་ཡིན་ཏེ། དེ་བཞིན་དུ་བྱང་ཆུབ་
D44.035.0320b03.01སེམས་དཔའ་ཡང་། འཇིག་རྟེན་ཐམས་ཅད་ན་སེམས་ཅན་གྱི་དོན་ལས་འགག་པ་མེད་པར་ཞུགས་པ་ཡིན་ཏེ། ཀུན་གྱིས་མཐར་བྱས་པའང་མ་ཡིན། ཀུན་གྱི་མཐའ་མེད་པར་བྱ་བའང་མ་ཡིན་ནོ། །ཉེ་བར་ལེན་པ་དང་བཅས་པའང་མ་ཡིན།
D44.035.0320b04.01ཉེ་བར་ལེན་པ་མེད་པའང་མ་ཡིན་ནོ། །གནས་པའང་མ་ཡིན། མི་གནས་པའང་མ་ཡིན་ནོ། །འཇིག་རྟེན་གྱི་ཆོས་ཀྱི་རྗེས་སུ་སོང་བ་ཡང་མ་ཡིན། སངས་རྒྱས་ཀྱི་ཆོས་ལ་གཞོལ་བ་ཡང་མ་ཡིན་ནོ། །སོ་སོའི་སྐྱེ་བོ་ཡང་མ་ཡིན། འབྲས་བུ་ལ་
D44.035.0320b05.01གནས་པའང་མ་ཡིན་ནོ། །དེ་ལྟར་བྱང་ཆུབ་སེམས་དཔའ་ཐུབ་པར་དཀའ་བའི་སེམས་དང་ལྡན་པ། སྤྱད་པ་ལ་སྤྱོད་དེ། དེ་ནི་ཉན་ཐོས་ཀྱི་ཐེག་པ་མི་སྟོན་ཏོ། །རང་སངས་རྒྱས་ཀྱི་ཐེག་པ་མི་སྟོན་ཏོ། །སངས་རྒྱས་ཀྱི་ཆོས་ཀྱང་སྟོན་པ་མེད་དོ། །
D44.035.0320b06.01འཇིག་རྟེན་དང་འཇིག་རྟེན་གྱི་ཆོས་ཉེ་བར་ལེན་པ་མེད་དོ། །སེམས་ཅན་དང་སེམས་ཅན་འཇིག་རྟེན་པ་ཉེ་བར་ལེན་པ་མེད་དོ། །ཉོན་མོངས་པ་དང་རྣམ་པར་བྱང་བ་ཉེ་བར་ལེན་པ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ཀུན་ནས་ཉོན་
D44.035.0320b07.01