完整藏文原文 · 德格版页 当前仅加载第 35 函德格 368b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ། གྲངས་མེད་པར་གྱུར་པ་དང་། གྲངས་མེད་པའི་རྣམ་པར་ལྷ་རྫས་ལས་འདས་པའི་མེ་ཏོག་དང་། ཕྲེང་བ་དང་། བྱུག་པ་དང་། སྤོས་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་དང་། རིན་པོ་ཆེ་དང་། རོལ་མོ་
D44.035.0368b01.01བརྡུང་བ་དང་། དཀྲོལ་བ་དང་། གླུ་དང་། བསྟོད་པ་དང་། ཞེ་ས་དང་། རིམ་གྲོ་དང་། དད་པ་དང་། དགའ་བ་དང་། ཐལ་མོ་སྦྱར་བ་དང་། ལྷ་རྫས་ལས་འདས་པ་རྣམ་པ་གྲངས་མེད་པའི་རྒྱན་དང་། ལྷ་རྫས་ལས་འདས་པ་རྣམ་པ་གྲངས་མེད་པའི་
D44.035.0368b02.01བསྟོད་པ་དང་། ལྷ་རྫས་ལས་འདས་པ་རྣམ་པ་གྲངས་མེད་པའི་སྤྲིན་གྱི་ཆར་འབབ་པ་དང་། ལྷ་རྫས་ལས་འདས་པ་རྣམ་པ་གྲངས་མེད་པའི་གདུགས་གཅིག་ནས་གཅིག་དུ་བརྒྱུད་དེ་བསྒྲེང་བ་དང་། ལྷ་རྫས་ལས་འདས་པ་རྣམ་པ་གྲངས་མེད་པའི་རྒྱལ་མཚན་ལ་བ་དན་
D44.035.0368b03.01སྤྱངས་པ་དང་། ཤིན་ཏུ་སྤྱངས་པ་གྲངས་མེད་པས་སྦྱར་བ། ལྷ་རྫས་ལས་འདས་པའི་ཡོ་བྱད་ཀྱི་ཚུལ་དང་། བསམ་པ་རྒྱ་ཆེན་པོ་རྣམ་པར་འཕེལ་བས། སངས་རྒྱས་མཉེས་པར་བྱ་བ་དང་། མཛེས་པའི་རྒྱན་རྣམ་པར་དག་པ་ཐམས་ཅད་ཀྱི་རིན་པོ་ཆེའི་དྲི་
D44.035.0368b04.01ཐམས་ཅད་དང་། ཕྱོགས་བརྒྱན་པའི་སྤོས་ཀྱི་སྤྲིན་ཆེན་པོ་དང་། རིམ་གྲོ་རྣམ་པ་སྣ་ཚོགས་རྒྱ་ཆེ་ཞིང་ཡིད་དུ་འོང་བས་སངས་རྒྱས་ལ་མཆོད་པ་དང་། འཇིག་རྟེན་གྱི་ཁམས་ཐམས་ཅད་རིམ་གྲོ་ལ་བརྩོན་པས་དེ་བཞིན་གཤེགས་པ་གདན་ལ་བཞུགས་པའི་ཚེ།
D44.035.0368b05.01གྲངས་མེད་པའི་གྱུར་དུ་མཆོད་པ་བྱས་སོ། །དེ་བཞིན་དུ་འཇིག་རྟེན་གྱི་ཁམས་ཐམས་ཅད་ཀྱི་དགའ་ལྡན་གྱི་གནས་དག་ཏུ་ཡང་མཆོད་པ་བྱས་པར་གྱུར་ཏོ། །དེ་བཞིན་གཤེགས་པ་བཞུད་པ་དང་གཤེགས་པ་དང་། བཞུགས་པའི་རྒྱན་ཅེས་
D44.035.0368b06.01བྱ་བའི་ལེའུ་སྟེ་ཉི་ཤུ་བརྒྱད་པའོ།། །།དེ་ནས་སངས་རྒྱས་ཀྱི་མཐུས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་མངོན་པར་ལྷགས་ཏེ། བྱང་ཆུབ་སེམས་དཔའ་དེ་དག་སོ་སོ་ནས་འཇིག་རྟེན་གྱི་ཁམས་སངས་རྒྱས་ཀྱི་ཞིང་སྟོང་ཕྲག་བཅུའི་
D44.035.0368b07.01