完整藏文原文 · 德格版页 当前仅加载第 35 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་སྒོ། །རྡུལ་ཕྲན་སྦུབས་སུ་རྒྱལ་བ་འཕྲུལ་བ་སྤྲོས། །འགྲོ་བའི་བསམ་པ་ཀུན་ཀྱང་རབ་ཏུ་མཁྱེན། །ཕྱོགས་རྣམས་ཐམས་ཅད་ཞིང་རྣམས་ཀུན་ཏུ་ཡང་། །འཇིག་རྟེན་གཙོ་མཚན་འགྲོ་དང་མཉམ་པར་བྱུང་། །ཐམས་ཅད་ཚུལ་སྒོར་སངས་རྒྱས་དོན་ཡོད་དེ། །འདུལ་
D44.035.0054b01.01བས་སེམས་ཅན་ཐམས་ཅད་རྣམ་པར་སྤྱོད། །རྡུལ་སྦུབས་ཀུན་ཏུ་མཐའ་དང་དབུས་མེད་པའི། །རྣམ་འཕྲུལ་ཡངས་པ་རང་བྱུང་ཤིན་ཏུ་སྟོན། །སྔན་ཅད་ཐུབ་པའི་བྱང་ཆུབ་སྤྱོད་པ་རྣམས། །ཅི་བཞིན་ཀུན་ཀྱང་སྙིང་པོ་བྱང་ཆུབ་བརྗོད། །ཡངས་དུས་བསྐལ་པ་ཇི་སྙེད་
D44.035.0054b02.01ཡོད་པའི་རྣམས། །སྐད་ཅིག་སྐད་ཅིག་སངས་རྒྱས་མ་ལུས་སྟོན། །དེར་ནི་སེམས་ཅན་འབྱུང་ཞིང་འཇིག་པའང་བསྟན། །འཇིག་རྟེན་གཙོ་བོ་ཡེ་ཤེས་མཐའ་ཡས་ལྟོས། །འབྱམ་ཀླས་མི་ཟད་མཐའ་ཡས་ལོ་གྲངས་པས། །རྒྱལ་སྲས་ཐམས་ཅད་སངས་རྒྱས་དེ་ལྟ་
D44.035.0054b03.01སྟེ། །ཐམས་ཅད་སྒོར་ཡང་སངས་རྒྱས་མཐའ་དབུས་མེད། །རྒྱལ་སྲས་ཀུན་གྱིས་ཤེས་པར་སླ་བ་མིན། །སངས་རྒྱས་མཁའ་འདྲ་རྣམ་པར་མི་རྟོག་སྟེ། །ཆོས་ཉིད་མི་གནས་ཆོས་ཀྱི་སྤྲིན་དག་གིས། །སྤྲུལ་པས་སྤྱོད་ཚེ་ཀུན་ཏུ་རྒྱས་མཛད་ཅིང་། །ཤིང་
D44.035.0054b04.01མཆོག་ཀུན་དྲུང་བྱང་ཆུབ་འཚང་རྒྱ་བསྟན། །སངས་རྒྱས་གསུང་དེ་རབ་ཏུ་བརྗོད་པས་ན། །ཆོས་གནས་ཐམས་ཅད་མ་ལུས་བརྗོད་པ་ཡིན། །འགྲོ་བ་ཐམས་ཅད་རེ་རེའི་སྒོ་དག་ནས། །སངས་རྒྱས་ཆོས་རྣམས་ཀུན་ལ་རབ་ཏུ་འཇུག །དེ་ལ་བྱང་ཆུབ་སེམས་དཔའ་
D44.035.0054b05.01དགེ་བ་དྲི་མ་{མྱེད་,མེད་}པའི་གཟི་བརྗིད་ཀྱི་འོད་ཡིད་དུ་འོང་བའི་རྣམ་པར་ཐར་པ་ནི། ཆོས་ཀྱི་དབྱིངས་ཐམས་ཅད་དུ་མངོན་པར་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་འགྲོ་བའི་རྒྱན་བྱེད་པ་ཞེས་བྱའོ། །བྱང་ཆུབ་སེམས་དཔའ་ཡོན་ཏན་འོད་མཆོག་ཀུན་ཏུ་སྒྲོན་མའི་རྣམ་
D44.035.0054b06.01པར་ཐར་པ་ནི། སེམས་སྐད་ཅིག་གིས་མངོན་པར་རྫོགས་པར་བྱང་ཆུབ་པའི་སྒོ་ཟད་མི་ཤེས་པ་སྟོན་ཅིང་། ཆོས་སྟོན་ཀྱི་དབྱིངས་བསམ་གྱིས་མི་ཁྱབ་པས་ཡོངས་སུ་སྨིན་པ་དང་རྣམ་པར་འདུལ་བར་བྱེད་པའི་འོད་ཅེས་བྱའོ། །བྱང་ཆུབ་སེམས་དཔའ་ཀུན་ཏུ་འབར་བ་
D44.035.0054b07.01