完整藏文原文 · 德格版页 当前仅加载第 35 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །མགོན་པོའི་ཆོས་ཉིད་བསམ་གྱིས་མི་ཁྱབ་སྟེ། །སྣང་བ་བརྙེས་ཤིང་ཕྱོགས་སུ་རྣམ་པར་མཛེས། །སེམས་ཅན་མཐའ་ཡས་
D44.035.0049a01.01ཡོངས་སུ་སྨིན་མཛད་པའི། །སངས་རྒྱས་འགྲོ་བ་ཀུན་ལ་མངོན་དུ་སྣང་། །སེམས་ཅན་ཐམས་ཅད་དབང་པོ་སྣ་ཚོགས་ཏེ། །དེ་དག་མ་ལུས་རྒྱལ་བས་འགྲོ་བར་མཁྱེན། །རྣམ་ཐར་འདི་ནྀ་རབ་ཏུ་ཐོབ་པའི་ཕྱིར། །སྣ་ཚོགས་འོད་འབྱུང་ལྷ་ཡང་རབ་ཏུ་དགའ། །རྒྱལ་
D44.035.0049a02.01བས་བསྐལ་པ་མཐའ་ཡས་ཡང་དག་སྤྱད། །སྔན་ཅད་རྒྱལ་བས་ཆོས་ཀྱང་ཡང་དག་བཟུང་། །དགའ་བའི་ཡིད་ཀྱིས་རྟག་ཏུ་དེ་དག་བླངས། །རྣམ་ཐར་འདི་ནི་དགའ་བའི་འོད་ཀྱིས་མཐོང་། །འགྲོ་བ་འདིར་ནི་ཐུགས་རྗེ་བྱམས་བསྐྱེད་ཅིང་། །དེ་བཞིན་གཤེགས་
D44.035.0049a03.01པས་སྔན་ཅད་སེམས་ཅན་རྣམས། །ཀུན་གྱི་མྱ་ངན་མཐའ་ཡས་རྣམ་པར་ཟློག །ཉོན་མོངས་ཡོངས་སུ་སྦྱང་བ་འདི་ལ་དགའ། །རྒྱལ་བའི་ཤེས་རབ་རྒྱ་ཆེ་མཐའ་ཡས་ཏེ། །ཚད་མེད་ནམ་མཁའ་འདྲ་ཞིང་མཚུངས་པ་ཡིན། །དེ་བཞིན་གཤེགས་པའི་ཤེས་
D44.035.0049a04.01རབ་རྣམ་སྤྱོད་པས། །མར་མེའི་མེ་ཏོག་འོད་ཀྱི་ལྷ་དགའ་འོ། །དེ་བཞིན་གཤེགས་པས་འགྲོ་མཉམ་སྐུ་གཟུགས་རྣམས། །འགྲོ་བ་ཀུན་གྱི་བསམ་པ་རྣམས་ལ་བསྟན། །དེ་འདྲའི་ཚུལ་ལ་རབ་ཏུ་བསྒོམས་པ་ཡིས། །མངོན་འོད་འཕྲོ་བའི་ལྷ་དེ་རབ་ཏུ་དགའ། །
D44.035.0049a05.01བསོད་ནམས་རྒྱ་མཚོ་རྒྱ་ཆེན་མཐའ་ཡས་པ། །སྔན་ཅད་དེ་བཞིན་གཤེགས་པས་ཡོངས་སུ་སྦྱངས། །དེ་འདྲའི་རྣམ་པར་ཐར་ལ་རྣམ་ལྟ་བས། །བསོད་ནམས་དཔལ་གྱི་འོད་དེ་རབ་ཏུ་དགའ། །སྲིད་པར་རབ་ཏུ་རྨོངས་པའི་སེམས་ཅན་རྣམས། །འཁོར་གྱུར་
D44.035.0049a06.01རབ་རིབ་མདོངས་པ་གཟིགས་པས་ན། །དེ་དག་ཕན་ཕྱིར་སངས་རྒྱས་མངོན་དུ་བྱུང་། །དྲི་མེད་འོད་ཀྱིས་རྣམ་ཐར་འདི་ཐོབ་པོ། །དེ་བཞིན་གཤེགས་པའི་རྫུ་འཕྲུལ་སྟོབས་ལ་ལྟོས། །འགྲོ་ལ་སྤྲིན་འདྲ་མཐའ་དང་དབུས་ཡང་མེད། །དེ་དག་བསྟན་ཅིང་འགྲོ་བ་
D44.035.0049a07.01