完整藏文原文 · 德格版页 当前仅加载第 35 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
འགེངས། །ཕྱོགས་རྣམས་ཀུན་ཏུ་ཞིང་རྣམས་འདུ་འགྱུར་ཏེ། །ཡངས་པའི་ཚུལ་གྱིས་ཞིང་གི་རྒྱུད་ཞུགས་པར། །ཕྱོགས་བཅུ་ཀུན་ཏུ་འདུ་བར་སྣང་བ་ཡང་། །འགྲོ་བ་མེད་ཅིང་འཇུག་པ་ཡོད་པ་མིན། །ཚུལ་གཅིག་གིས་ནི་རྒྱུད་རྣམས་
D44.035.0112a01.01ཀུན་ཀྱང་འགེངས། །ཐམས་ཅད་མ་ལུས་རེ་རེར་རབ་ཏུ་འདུ། །དེ་ལ་ཐ་དད་གང་ཡང་མི་དམིགས་ཏེ། །གཞི་མེད་ཀུན་འགེངས་མཐའ་དང་དབུས་ཡང་མེད། །ཞིང་རྣམས་ཚུལ་གྱིས་རྒྱུད་ལ་རྣམ་འཕྲུལ་བ། །སངས་རྒྱས་རྣམ་སྣང་མཛད་པ་ཀུན་ནས་སྣང་། །
D44.035.0112a02.01སྨོན་ལམ་སྒྲ་ནི་རྒྱ་མཚོ་རབ་བརྗོད་ཅིང་། །ཞིང་གི་དབྱིངས་ན་སེམས་ཅན་ཀུན་ཀྱང་འདུལ། །ཞིང་རྣམས་སངས་རྒྱས་སྐུ་ཡིས་ཀུན་ཁྱབ་སྣང་། །བསམ་གྱིས་མི་ཁྱབ་བྱང་ཆུབ་སེམས་དཔས་གང་། །སངས་རྒྱས་རྣམ་འཕྲུལ་མི་མཉམ་སྟོབས་སྟོན་ཅིང་། །སེམས་
D44.035.0112a03.01ཅན་མང་པོ་ཚད་མེད་རྣམ་པར་འདུལ། །ཞིང་གི་རྒྱུད་ཀྱི་གནས་ཤིན་ཏུ་བསྟན་པ་ཞེས་བྱ་སྟེ་ལེའུ་བརྒྱད་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་དགུ་པ། ཀྱེ་རྒྱལ་བའི་སྲས་དག་དེ་ལ་
D44.035.0112a04.01འཇིག་རྟེན་གྱི་ཁམས་རྒྱ་མཚོ་གང་ཆེན་མཚོའི་དབྱིངས་དེ་ནི་སྤོས་ཆུའི་རྒྱ་མཚོ་མིག་འཕྲུལ་གྱི་རྣམ་པར་ཕྱེ་བ་གཞི་ཀུན་ལ་རབ་ཏུ་གནས་པ་ནི། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དེ། ཀྱེ་རྒྱལ་བའི་སྲས་དག་དེ་ལ་གང་ཆེན་མཚོའི་དབྱིངས་
D44.035.0112a05.01ཀྱི་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ནང་ན་སྤོས་ཆུའི་རྒྱ་མཚོ་དབུས་མ་ནི་ཟེ་བ་ཡིད་དུ་འོང་ཞིང་འོད་མཐའ་ཡས་པ་ཞེས་བྱ་སྟེ། དེའི་ནང་ནས་ནོར་བུའི་རྒྱལ་པོ་བྱང་ཆུབ་སེམས་དཔའ་ཐམས་ཅད་ཀྱི་ལུས་རྣམ་པར་དམིགས་
D44.035.0112a06.01པའི་གཟུགས་བརྙན་གྱི་རྒྱལ་མཚན་གྱི་པདྨོ་ཆེན་པོ་བཞི་སྤོས་དང་ནོར་བུའི་རྒྱལ་པོ་ཐམས་ཅད་ཀྱིས་བརྒྱན་པའི་རྒྱན་ཅན་ཅེས་བྱ་བ་མངོན་པར་བྱུང་སྟེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཕྱོགས་ཀུན་ནས་རིན་པོ་ཆེ་འབར་བའི་འོད་རྣམ་པར་སྣང་བ་ཞེས་བྱ་བ། འཇིག་རྟེན་གྱི་
D44.035.0112a07.01