完整藏文原文 · 德格版页 当前仅加载第 35 函德格 379b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །སེམས་ཅན་གྱི་ལྟ་བའི་རྙོག་པས་དགེ་བའི་རྩ་བ་ཡོངས་སུ་བསྔོ་བ་དང་བྲལ་བར་མི་འགྱུར་རོ། །སེམས་ཅན་གྱི་སེམས་འཁྲུགས་པས་ལྡོག་པར་མི་འགྱུར་རོ། །སེམས་ཅན་གྱི་སེམས་ཀྱི་རྒྱུད་སྟོར་བས་བྱང་ཆུབ་སེམས་དཔའི་གོ་ཆ་ཆེན་པོ་
D44.035.0379b01.01བགོས་པ་ལས་རིང་བར་མི་འགྱུར་རོ། །འགྲོ་བ་ཐམས་ཅད་ཡོངས་སུ་བསྐྱབ་པའི་སྨོན་ལམ་དཀྲུགས་མའི་རྙོག་པ་ཐམས་ཅད་ཀྱིས་བཅིལ་བར་མི་འགྱུར་རོ། །བྱང་ཆུབ་སེམས་དཔའི་རྩོམ་པ་ཆེན་པོ་སེམས་ཅན་དྲིན་དུ་མི་གཟོ་བ་མཐོང་བས་ལྷོད་པར་མི་
D44.035.0379b02.01འགྱུར་རོ། །བྱང་ཆུབ་ཏུ་{དམྱིགས་,དམིགས་}པའི་དགེ་བའི་རྩ་བ་སེམས་ཅན་མི་སྲུན་པའི་དབང་པོས་ཞུམ་པར་མི་འགྱུར་རོ། །དགེ་བའི་རྩ་བ་ཇི་ལྟ་བ་བཞིན་ལས་བྱིས་པའི་སྐྱེ་བོ་དང་འགྲོགས་པ་ལས་འཕང་བར་མི་འགྱུར་རོ། །སེམས་ཅན་གཞན་གྱི་སྐྱོན་གྱིས་སྐྱོ་
D44.035.0379b03.01བར་མི་འགྱུར་རོ། །དེ་ཅིའི་ཕྱིར་ཞེ་ན། དཀྱིལ་འཁོར་འདི་ནི་བསྒྲིབས་པ་མེད་པར་འགྲོ་བ་ཐམས་ཅད། རྣམ་པར་དག་པར་བྱ་བའི་ཕྱིར་འབྱུང་བ་སྟེ། །སེམས་ཅན་གཅིག་ལ་{དམྱིགས་,དམིགས་}ཤིང་། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་
D44.035.0379b04.01པར་རྫོགས་པའི་བྱང་ཆུབ་ཏུ་དགེ་བའི་རྩ་བ་ཡོངས་སུ་བསྔོ་བ་མ་ཡིན། འདི་ལྟ་སྟེ། ཞིང་རྣམ་པར་དག་པར་བྱ་བའི་ཕྱིར་ཞིང་གཅིག་ལ་{དམྱིགས་,དམིགས་}ཏེ། བྱང་ཆུབ་སེམས་དཔའ་བྱང་ཆུབ་ཀྱི་སེམས་ལ་མངོན་པར་སྤྲོ་བ་མ་ཡིན། འདི་ལྟ་སྟེ། སངས་རྒྱས་
D44.035.0379b05.01ལྟ་བ་རྣམ་པར་དམིགས་པའི་ཕྱིར་སངས་རྒྱས་གཅིག་ལ་{དམྱིགས་,དམིགས་}ཏེ། བྱང་ཆུབ་སེམས་དཔའ་རྣམས་ཀྱི་དད་པ་སྐྱེ་བ་མ་ཡིན། འདི་ལྟ་སྟེ་ཡེ་ཤེས་གཅིག་རྗེས་སུ་རྟོགས་པའི་ཕྱིར་ཡེ་ཤེས་གཅིག་ལ་{དམྱིགས་,དམིགས་}ནས། བྱང་ཆུབ་སེམས་དཔའ་རྣམས་ཀྱི་
D44.035.0379b06.01སྨོན་ལམ་སྐྱེ་བ་མ་ཡིན་གྱི་འདི་ལྟར་སེམས་ཅན་ཐམས་ཅད་ཡོངས་སུ་བསྐྱབ་པའི་ཕྱིར་དགེ་བའི་རྩ་བ་རྣམས་ཡོངས་སུ་བསྔོའོ། །ཞིང་ཐམས་ཅད་ཡོངས་སུ་སྦྱང་བའི་ཕྱིར་དགེ་བའི་རྩ་བ་རྣམས་ཡོངས་སུ་བསྔོའོ། །སངས་རྒྱས་ཐམས་ཅད་ལ་མཆོད་ཅིང་རིམ་
D44.035.0379b07.01