完整藏文原文 · 德格版页 当前仅加载第 35 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་ཐུག་པར་མི་རུང་ངོ་། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་སེམས་ཅན་དེ་ཙམ་དག་གི་ཉོན་མོངས་པ་སྣ་ཚོགས་ཡོངས་སུ་ཤེས་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་
D44.035.0271a01.01སྐྱེ་བ་མ་ཡིན་གྱི། འདི་ལྟ་སྟེ་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་གཏོགས་པའི་སེམས་ཅན་རྣམས་ཀྱི་ཉོན་མོངས་པ་ཚད་མེད་པ་ཐམས་ཅད་ཡོངས་སུ་ཤེས་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་
D44.035.0271a02.01བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་ཉོན་མོངས་པ་ཡང་བ་དང་། ཉོན་མོངས་པ་ལྕི་བ་མངོན་པར་འཚང་རྒྱ་བའི་ཡེ་ཤེས་ཡོངས་སུ་ཤེས་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་
D44.035.0271a03.01སྐྱེའོ། །འདི་ལྟ་སྟེ་བག་ལ་ཉལ་བའི་ཉོན་མོངས་པ་དང་། སེམས་ཀུན་ནས་འཁོར་བའི་ཉོན་མོངས་པ་དང་། སེམས་ཅན་ཐམས་ཅད་ཀྱི་ཉོན་མོངས་པ་དང་། རྣམ་པར་བྱང་བ་རྣམ་པར་དགོད་པ་ཡོངས་སུ་ཤེས་པར་བྱ་བའི་ཕྱིར། བྱང་ཆུབ་སེམས་
D44.035.0271a04.01དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་སེམས་ཅན་གཅིག་གི་ཉོན་མོངས་པ་ཚད་མེད་པ་སྣ་ཚོགས་རང་དབང་མེད་པར་བྱེད་པའི་ཉོན་མོངས་པ་རྣམ་པར་གཅད་པའི་ཡེ་ཤེས་ཡོངས་སུ། ཤེས་པར་བྱ་བའི་ཕྱིར་
D44.035.0271a05.01བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་སེམས་ཅན་ཐམས་ཅད་ཀྱི་ཉོན་མོངས་པ་དང་། རྣམ་པར་དཔྱོད་པ་རྣམ་པ་སྣ་ཚོགས་ཤེས་པ་ཡོངས་སུ་ཤེས་པར་བྱ་བའི་ཕྱིར། བྱང་ཆུབ་སེམས་དཔའ་
D44.035.0271a06.01རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་མ་རིག་པ་ལ་གནས་པའི་ཉོན་མོངས་པ་དང་། སྲིད་པ་དང་ལྡན་པའི་ཉོན་མོངས་པ་དང་། སྲིད་པའི་རྒྱུད་ཐམས་ཅད་ཀྱི་ཉོན་མོངས་པ་ཀུན་ཏུ་སྦྱོར་བ་རྣམ་པར་གཅད་
D44.035.0271a07.01