完整藏文原文 · 德格版页 当前仅加载第 35 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཉམ་པ་ཉིད་ཀྱི་རྗེས་སུ་སོང་བའི་རང་བཞིན་ཆོས་ཀྱི་དབྱིངས་ཀྱི་གཟུགས་བརྙན་རྣམ་པར་བརྟགས་པའི་ཚོགས། ནམ་མཁའི་དབྱིངས་ན་བརྡལ་བ་མེད་ཅིང་རྒྱ་ཆེ་བ་ཁྱབ་པར་བྱེད་པའི་རང་བཞིན་ཆོས་ཀྱི་དབྱིངས་རྒྱ་མཚོའི་ཀློང་མཉམ་
D44.035.0084a01.01པ་ཉིད་ཀྱི་རྗེས་སུ་སོང་ཞིང་ཤིན་ཏུ་བརྡལ་བའི་ཚོགས་ཆོས་ཐམས་ཅད་ཀྱི་སྒོའི་ཏིང་ངེ་འཛིན་གྱི་དཀྱིལ་འཁོར་ཡང་དག་པར་འབྱུང་བས་རྒྱས་པར་འགེངས་པ། ཕྱོགས་ཐམས་ཅད་དུ་ཡང་དག་པར་ཞུགས་པའི་ཆོས་ཀྱི་དབྱིངས་ཀྱི་ལུས་ཀྱིས་ཀུན་ནས་ཡོག་པར་བྱས་པའི་རང་
D44.035.0084a02.01བཞིན་གྱི་སྙིང་པོ་ཅན་དུས་གསུམ་གྱི་སངས་རྒྱས་འབྱུང་བའི་ཡེ་ཤེས་སྣང་བ། རྒྱ་མཚོའི་ཀློང་ཕྱོགས་ཐམས་ཅད་དུ་སྒོ་ཀུན་ནས་ཚུལ་རྒྱ་མཚོ་རྣམ་པར་རིག་པར་བྱ་བས་མངོན་ཏུ་ཡང་དག་པར་སྟོན་པ། སངས་རྒྱས་ཐམས་ཅད་ཀྱི་སྟོབས་དང་རྣམ་པར་ཐར་
D44.035.0084a03.01པས་བྱང་ཆུབ་སེམས་དཔའི་ཡེ་ཤེས་ཀྱི་ལུས་རྒྱས་པར་འགེངས་པའི་སྙིང་པོ་ཅན། ཞིང་འབྱམ་ཀླས་པ་ཐམས་ཅད་མ་ལུས་པར་ཆོས་ཀྱི་དབྱིངས་སུ་འཇུག་པས་རྒྱས་པར་འགེངས་པའི་ཡེ་ཤེས་དང་ལྡན་པ། སངས་རྒྱས་ཀྱི་ཡོན་ཏན་རྒྱ་མཚོ་ཐམས་ཅད་ཡོངས་
D44.035.0084a04.01སུ་གྲུབ་པར་བྱེད་པ་བསྐལ་པ་ཐམས་ཅད་དུ་སྨོན་ལམ་རྒྱ་མཚོས་རྣམ་པར་སྣང་བར་བྱེད་པའི་འོད་ཅན། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་སྟོན་ཅིང་བརྗོད་པའི་བྱིན་གྱི་རླབས་ལ་མཉམ་པར་བཞག་པར་གྱུར་ཏོ། །ཇི་ལྟར་བྱང་ཆུབ་སེམས་
D44.035.0084a05.01དཔའ་ཀུན་ཏུ་བཟང་པོས་བཅོམ་ལྡན་འདས་ཀྱི་ཞབས་ཀྱི་དྲུང་དུ་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་སྙིང་པོ་ཞེས་བྱ་བ་འདི་ལ་མཉམ་པར་བཞག་པ་དེ་བཞིན་དུ་འཇིག་རྟེན་གྱི་ཁམས་འབྱམ་
D44.035.0084a06.01ཀླས་པ་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་དབྱིངས་ཀྱི་མཐས་གཏུགས་པ། ཕྱོགས་རྒྱ་མཚོ་ཐམས་ཅད་ཀྱི་ཁོངས་སུ་གཏོགས་པ། དུས་གསུམ་ཐམས་ཅད་ན་ཡོད་པའི་སངས་རྒྱས་ཀྱི་ཞིང་འབྱུང་བའི་ཁམས་ཆོས་ཀྱི་དབྱིངས་རྒྱ་ཆེན་པོས་ནོན་པའི་
D44.035.0084a07.01