完整藏文原文 · 德格版页 当前仅加载第 35 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སྤྱོད་ཅིང་སེམས་ཅན་འདུལ། །གང་རྣམས་རྒྱལ་བ་པདྨོའི་གདན་བཞུགས་པ། །སྟོན་ཅིང་ཕྱོགས་བཅུའི་འཇིག་རྟེན་ཀུན་ཏུ་ཡང་། །དོན་ཡོད་རྣམ་སྤྱོད་སེམས་ཅན་འདུལ་བྱེད་པ། །དེ་དག་མངོན་ཤེས་རྣམ་འཕྲུལ་མཐའ་ཡང་ཡས། །གང་གི་མངོན་
D44.035.0222b01.01ཤེས་རྣམ་འཕྲུལ་མཐའ་ཡས་པ། །དེ་དག་བསམ་གྱིས་མི་ཁྱབ་ཆོས་སྟོན་ཅིང་། །སེམས་ཅན་བསམ་གྱིས་མི་ཁྱབ་དགར་བྱེད་པས། །བསམ་གྱིས་མི་ཁྱབ་ཞིང་ནི་རྣམ་པར་སྤྱོད། །གང་རྣམས་བསམ་གྱིས་མི་ཁྱབ་ཆོས་སྟོན་ཅིང་། །བསམ་ཡས་སེམས་ཅན་དགའ་
D44.035.0222b02.01བར་སུས་བྱེད་པ། །དེ་དག་བསམ་པ་ཇི་བཞིན་འཇིག་རྟེན་ན། །ཐ་དད་ཡང་དག་ཤེས་མཐུས་སེམས་ཅན་འདུལ། །ཐ་དད་ཡང་དག་ཤེས་པའི་ཡེ་ཤེས་མཐུས། །བསམ་པ་ཇི་བཞིན་སེམས་ཅན་སུ་འདུལ་བ། །དེ་དག་ལུས་དང་ངག་ཡིད་རྟག་དུས་སུ། །
D44.035.0222b03.01ཡེ་ཤེས་སྔོན་དུ་འགྲོ་བར་ཤིན་ཏུ་འབྱུང་། །གང་གི་ལུས་དང་ངག་ཡིད་རྟག་དུས་སུ། །ཡེ་ཤེས་སྔོན་དུ་འགྲོ་བར་རབ་འབྱུང་བ། །དེ་དག་སྨོན་ལམ་སྟོབས་ཀྱིས་ཅི་དགའ་བར། །སེམས་ཅན་རྒྱུད་དུ་གཟུགས་མང་ཡོངས་སུ་སྟོན། །སྨོན་ལམ་སྟོབས་ཀྱིས་
D44.035.0222b04.01གང་རྣམས་ཅི་དགའ་བར། །སེམས་ཅན་རྒྱུད་དུ་གཟུགས་མང་སྟོན་བྱེད་པ། །དེ་དག་ཚིག་ཏུ་བརྗོད་ཅིང་ཅི་སྨྲ་ཡང་། །སྒྲ་ལ་དབྱངས་ཀྱི་ཡན་ལག་བསམ་མི་ཁྱབ། །ཚིག་ཏུ་བརྗོད་ཅིང་ཅི་དང་ཅི་སྨྲ་ཡང་། །གང་གི་སྒྲ་དབྱངས་ཡན་ལག་བསམ་ཡས་པ། །
D44.035.0222b05.01དེ་དག་འགྲོ་བ་མ་ལུས་ཐམས་ཅད་ཀྱི། །བསམ་པའི་སེམས་རྣམས་ཡུད་ཀྱིས་རྣམ་པར་ཤེས། །གང་གིས་མ་ལུས་འགྲོ་བ་ཐམས་ཅད་ཀྱི། །བསམ་པའི་སེམས་རྣམས་ཡུད་ཀྱིས་རྣམ་ཤེས་པ། །དེ་དག་སྐྱེ་དང་འཆི་འཕོ་ནམ་ཡང་མེད། །ཉོན་མོངས་རྒྱུ་
D44.035.0222b06.01བའང་དེ་བཞིན་སྐྱེ་བ་མེད། །སྐྱེ་དང་འཆི་འཕོ་གང་ལ་མེད་གྱུར་ཅིང་། །ཉོན་མོངས་རྒྱུད་ཀྱང་དེ་བཞིན་སྐྱེ་མེད་པ། །དེ་དག་ཡོན་ཏན་ཆོས་ཉིད་ཡེ་ཤེས་ལུས། །ཆོས་ཀྱིས་སྨོས་པར་འཇིག་རྟེན་ཀུན་ཏུ་སྤྱོད། །ཡོན་ཏན་ཆོས་ཉིད་ཡེ་ཤེས་ལུས་ལྡན་ཞིང་། །
D44.035.0222b07.01