完整藏文原文 · 德格版页 当前仅加载第 35 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་ཐར་པ་ནི། འགྲོ་བ་ཐམས་ཅད་རྩལ་གྱིས་མངོན་པར་སྒྲུབ་པ་ལ་རབ་ཏུ་བརྩོན་པ་ཞེས་བྱའོ། །མི་འམ་ཅིའི་དབང་པོ་དྲག་ཤུལ་གྱི་བདག་པོའི་རྣམ་པར་ཐར་པ་ནི། མི་འམ་ཅིའི་འཁོར་ཐམས་ཅད་ཀྱི་སེམས་ལ་རྣམ་པར་བལྟ་ཞིང་འདྲེན་པའི་འོད་
D44.035.0030a01.01ཅེས་བྱའོ། །དེ་ནས་མི་འམ་ཅིའི་དབང་པོ་ལྷའི་བློ་གྲོས་འོད་ཀྱིས་སངས་རྒྱས་ཀྱི་མཐུས། མི་འམ་ཅིའི་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཇི་སྙེད་འགྲོ་བ་དག་ན་བདེ་འབྱུང་བ། །དེ་དག་ཐམས་ཅད་རྒྱལ་བ་མཐོང་
D44.035.0030a02.01བས་འབྱུང་། །མགོན་པོ་དེ་ནི་སྐྱབས་དང་མགོན་ཡིན་ཏེ། །སེམས་ཅན་ཐམས་ཅད་གནས་ཡིན་ཕན་མཛད་པའོ། །སེམས་ཅན་ཀུན་གྱི་མི་ཟད་བདེ་བའི་རྣམས། །ཇི་སྙེད་འབྱུང་བ་རབ་ཏུ་ཡོད་པ་ཀུན། །དེ་དག་ཀུན་ལ་འདྲེན་པ་དོན་ཡོད་དོ། །དེ་ནི་དཔལ་
D44.035.0030a03.01གྱི་དཀྱིལ་འཁོར་མི་ཅིས་མཐོང་། །སངས་རྒྱས་ཡོན་ཏན་རྒྱ་མཚོ་མི་ཟད་པ། །དེ་ཡི་མཐའ་ནི་འགྲོ་བས་མི་རྙེད་དེ། །ཕྱོགས་རྣམས་ཀུན་ཏུ་རྣམ་པར་མཛེས་ཤིང་འབར། །སྣ་ཚོགས་རྒྱན་གྱི་རྣམ་ཐར་འདི་འདྲའོ། །སེམས་ཅན་ཀུན་གྱི་ཡིད་དུ་
D44.035.0030a04.01འོང་བ་ཡི། །སྒྲ་དབྱངས་སངས་རྒྱས་ཡང་དག་རྣམ་སྒྲོག་ཅིང་། །མྱ་ངན་མེད་པའི་ཆོས་ཉིད་སྟོན་པ་ནི། །སྒྲ་སྙན་ཡིད་དུ་འོང་བ་མི་ཅིས་ཐོས། །སྔོན་ཅད་དེ་བཞིན་གཤེགས་པས་སྤྱད་པ་ཡི། །རྒྱལ་བའི་རྣམ་པར་འཕྲུལ་པ་བདག་གིས་མཐོང་། །རྒྱ་ཆེན་
D44.035.0030a05.01ཐུགས་རྗེས་རྣམ་པར་ཤིན་ཏུ་སྦྱངས། །ཤིང་གི་འོད་ཀྱི་མི་འམ་ཅི་ཡིས་མཐོང་། །དེ་བཞིན་གཤེགས་པ་མཐོང་ཞིང་ཐོས་པ་ནི། །འགྲོ་བ་རྣམས་ལ་བསྐལ་པ་བྱེ་བར་དཀོན། །སངས་རྒྱས་མཚན་གྱིས་ཀུན་ནས་ཤིན་ཏུ་བརྒྱན། །དགའ་བདེ་མོས་པར་བྱེད་
D44.035.0030a06.01པས་འདི་མཐོང་དོན། །བདེ་བར་གཤེགས་པའི་ཡེ་ཤེས་འབྱུང་བ་ནི། །སེམས་ཅན་ཀུན་ཀྱི་བསམ་པ་གཞལ་མཛད་དེ། །ཐམས་ཅད་མཁྱེན་པ་ཉིད་ཀྱི་ལམ་ཡང་སྟོན། །འདི་ནི་རྒྱན་དབང་མི་འམ་ཅི་ཡིས་མཐོང་། །འབྱམ་ཀླས་ལས་ནི་བསམ་གྱིས་
D44.035.0030a07.01