完整藏文原文 · 德格版页 当前仅加载第 35 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། གྲོང་རྡལ་མཛོད་མཐའ་ཡས་པ་དེའི་སའི་ཁམས་ཀྱི་རྡུལ་ཤིན་ཏུ་ཕྲ་བ་འམ། ཆུའི་ཁམས་ཀྱི་རྡུལ་ཤིན་ཏུ་ཕྲ་བ་འམ། མེའི་ཁམས་ཀྱི་རྡུལ་ཤིན་ཏུ་ཕྲ་བ་འམ། རླུང་གི་ཁམས་ཀྱི་རྡུལ་ཤིན་ཏུ་ཕྲ་བ་འམ། ནམ་མཁའི་ཁམས་ཀྱི་
D44.035.0164a01.01རྡུལ་ཤིན་ཏུ་ཕྲ་བ་ཡང་རུང་སྟེ། དེ་བཞིན་གཤེགས་པ་རྣམས་ཀྱིས་དེ་དག་ལ་ཆོས་ཀྱི་མཛོད་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མ་བཞག་པ་དེ་ལྟ་བུ་གང་ཡང་མེད་པས་དེའི་ཕྱིར་གྲོང་རྡལ་མཛོད་མཐའ་ཡས་པ་དེ་ལ་མཛོད་མཐའ་ཡས་པ་ཞེས་བྱའོ། །
D44.035.0164a02.01དེ་ལྟར་དེ་དག་ལས་སོགས་པ་གྲོང་རྡལ་མཛོད་མཐའ་ཡས་པ་དེ་ནི་ཡོན་ཏན་ཚད་མེད་པ་དང་ལྡན་པ་སྟེ། མདོར་ན་གླིང་བྱང་ཆུབ་ཀྱི་རྒྱལ་མཚན་ན་ཡོན་ཏན་གང་ཇི་སྙེད་ཡོད་པའི་ཡོན་ཏན་དེ་སྙེད་ནི་གྲོང་རྡལ་མཛོད་མཐའ་ཡས་པ་དེ་ན་ཡོད་དོ། །གྲོང་རྡལ་མཛོད་མཐའ་ཡས་པ་
D44.035.0164a03.01དེ་ན་བཟའ་ཤིང་གི་ར་བ་མྱ་ངན་དང་བྲལ་བ་ཞེས་བྱ་བ་སྙིང་པོ་བྱང་ཆུབ་མྱ་ངན་མེད་པའི་དབྱིབས་སུ་འདུག་པ། བཟའ་ཤིང་གི་ར་བ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ། བཟའ་ཤིང་གི་ར་བ་མྱ་ངན་དང་བྲལ་བ་དེ་ན།
D44.035.0164a04.01ནགས་ཚལ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོད་དེ། ནགས་ཚལ་དེ་དག་ཀྱང་སོ་སོ་ནས་སྟོང་པ་ཉིད་ཀྱི་གསེར་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རྒྱུ་ལས་གྲུབ་པའོ། །ཆོས་ཀྱི་དབྱིངས་ཀྱི་འོད་རྒྱ་མཚོ་
D44.035.0164a05.01འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་མེ་ཏོག་དང་ལྡན་པའོ། །རྣམ་པར་རྟོག་པའི་གཉེན་པོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འབྲས་བུ་དང་ལྡན་པའོ། །སེམས་ཅན་གྱི་ཁམས་ཐམས་ཅད་སྡིག་པ་ལས་ཡོངས་སུ་སྐྱོབས་
D44.035.0164a06.01པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་ལོ་མ་དང་ལྡན་པའོ། །སེམས་ཅན་གྱི་ཁམས་ཡོངས་སུ་མྱ་ངན་ལས་ཟློ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་གྲིབ་མ་བསིལ་བ་དང་ལྡན་པའོ། །སེམས་ཅན་གྱི་
D44.035.0164a07.01