完整藏文原文 · 德格版页 当前仅加载第 35 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་ཏེ། དེ་བས་ཀྱང་ཆེས་དགའ་བ་དང་སྤྲོ་བ་སྐྱེའོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་བཞི་པ་སྟེ་མི་ཟད་པ་ཞེས་བྱའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་
D44.035.0312b01.01སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་ལྔ་པ་རྨོངས་པ་མེད་པ་ཞེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་དྲན་པ་དང་ལྡན་པ་ཡིན་ཏེ། དྲན་པའི་དམ་པ་འཁྲུག་པ་མེད་པ། རྣམ་པར་འཁྲུག་པ་མེད་
D44.035.0312b02.01པ། བརྟན་པ་སྲ་བ། མི་ཤིགས་པ། ཟིལ་གྱིས་མི་ནོན་པ། ཡོངས་སུ་དག་པ། ཆེ་བ་ཚད་མེད་པ། རྨོངས་པ་མེད་པ་དང་ལྡན་པ་ཡིན་ཏེ། དྲན་པ་དེས་འཇིག་རྟེན་པའི་སྤྱོད་པ་རྣམས་ཀྱང་ཡོངས་སུ་འཛིན་པ་ཡིན། འཇིག་རྟེན་ལས་འདས་པའི་
D44.035.0312b03.01ཚིག་ཀྱང་ཡོངས་སུ་འཛིན་པ་ཡིན། གཟུགས་དང་གཟུགས་མེད་པའི་ཚིག་ཀྱང་ཡོངས་སུ་འཛིན་པ་ཡིན། གཟུགས་ཀྱི་རང་བཞིན་ལ་བཏགས་པའི་ཚིག་ཀྱང་ཡོངས་སུ་འཛིན་པ་ཡིན་ཏེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་
D44.035.0312b04.01པར་ཤེས་པ་ལ་བཏགས་པའི་ཚིག་ཀྱང་ཡོངས་སུ་འཛིན་པ་ཡིན། རྣམ་པར་ཤེས་པའི་རང་བཞིན་ཡོངས་སུ་ཤེས་པར་བྱ་བའི་ཕྱིར་ཚིག་ཀྱང་ཡོངས་སུ་འཛིན་པ་ཡིན་ཏེ། དེ་འཇིག་རྟེན་འདི་ནས་ཀྱང་རྨོངས་པ་མེད་པར་ཤི་འཕོའོ། །འཇིག་
D44.035.0312b05.01རྟེན་ཕ་རོལ་ཏུ་ཡང་རྨོངས་པ་མེད་པར་སྐྱེ་སྟེ། མའི་མངལ་དུ་ཡང་རྨོངས་པ་མེད་པར་འགྲོ། །མའི་མངལ་ནས་ཀྱང་རྨོངས་པ་མེད་པར་འབྱུང་སྟེ། བྱང་ཆུབ་སེམས་དཔའི་སེམས་བསྐྱེད་པ་རྨོངས་པ་མེད་པས་གནས་སོ། །རྨོངས་པ་མེད་པར་
D44.035.0312b06.01དགེ་བའི་བཤེས་གཉེན་རྣམས་མགུ་བར་བྱེད་དོ། །རྨོངས་པ་མེད་པར་སངས་རྒྱས་ཀྱི་ཆོས་ལ་མོས་པར་བྱེད་དོ། །རྨོངས་པ་མེད་པར་བདུད་ཀྱི་ལས་རྣམས་རབ་ཏུ་ཤེས་སོ། །རྨོངས་པ་མེད་པར་བདུད་ཀྱི་ལས་རྣམས་སྤང་བར་བྱེད་དོ། །
D44.035.0312b07.01