完整藏文原文 · 德格版页 当前仅加载第 35 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་གོ །བདེ་གཤེགས་ཡེ་ཤེས་སྐུ་མངའ་སྤྱན་ཡངས་པ། །འབྱམ་ཀླས་ཞིང་རྣམས་ཐམས་ཅད་ཀུན་བཞུགས་པ། །འབྱམ་ཀླས་ཞིང་གི་རྡུལ་ལ་ཀུན་ཀྱང་བསྟན། །རྣམ་ཐར་འདི་ལ་སྤྲིན་གྱི་དབྱངས་འཇུག་གོ །རྒྱལ་བའི་སྲས་ཀྱི་
D44.035.0023a01.01བྱང་ཆུབ་སྤྱོད་པ་དག །ཇི་བཞིན་ཡངས་པ་སྤུ་ཡི་རྩེ་མོ་ལ། །རྒྱལ་བས་དེ་དག་ཚད་མེད་ཕུན་སུམ་བསྟན། །དྲན་པའི་བློ་གྲོས་འདི་ཡི་ཚུལ་མཐོང་ངོ་། །འགྲོ་བ་འདི་ན་རྩེ་དགའ་གང་བདེ་བ། །དེ་དག་ཐམས་ཅད་རྒྱལ་བའི་མཐུ་ཡིས་བྱུང་། །བསོད་ནམས་
D44.035.0023a02.01མཉམ་མེད་རྒྱལ་བ་བྱུང་ལ་ལྟོས། །འདི་ནི་མེ་ཏོག་སྣ་ཚོགས་དྲི་མེད་ཀྱིའོ། །སེམས་གཅིག་རྒྱུད་ལ་རྒྱལ་བའི་ཡོན་ཏན་གྱི། །བདེ་གཤེགས་ཤིན་ཏུ་རྒྱ་ཆེན་སུས་དྲན་པ། །དེ་ལ་ངན་སོང་ཀུན་གྱི་འཇིགས་པ་མེད། །ཡེ་ཤེས་ཉི་མའི་མིག་གི་རྣམ་ཐར་ཏོ། །
D44.035.0023a03.01རྒྱལ་བའི་རྫུ་འཕྲུལ་ཆོས་ཉིད་རྒྱ་ཆེ་ཞིང་། །བསམ་པའི་ལས་རྣམས་ཐམས་ཅད་ཀུན་ནས་གནས། །དེ་དག་ཐེ་ཙོམ་ནེམ་ནུར་ཐམས་ཅད་སེལ། །རྣམ་ཐར་འདི་ནི་བརྗོད་དབང་བློ་གྲོས་ཀྱིའོ། །དེ་ལ་ལྷའི་བུ་ཟླ་བའི་རྣམ་པར་ཐར་པ་ནི། འགྲོ་བ་ཐམས་
D44.035.0023a04.01ཅད་བསྡུ་ཞིང་རྣམ་པར་གདུལ་བའི་སྣང་བས་ཆོས་ཀྱི་དབྱིངས་ཀུན་ནས་དྲི་མ་མེད་པའི་དཀྱིལ་འཁོར་ཅེས་བྱའོ། །ལྷའི་བུ་འོད་ཀྱི་མེ་ཏོག་རྒྱལ་པོའི་གཙུག་ཕུད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཡུལ་རྣམ་པར་ལྟ་བ་དང་། མཐའ་ཡས་པའི་ཆོས་
D44.035.0023a05.01འབྱམ་ཀླས་པ་ལ་ཡང་དག་པར་འཇུག་པ་ཞེས་བྱའོ། །ལྷའི་བུ་དཔལ་གྱི་ཚོགས་སྣ་ཚོགས་ཀྱི་རྒྱན་གྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སེམས་རྒྱ་མཚོ་ཡོངས་སུ་བཟློག་ཅིང་ཕན་ཚུན་གྱི་ཡུལ་དང་དམིགས་པ་ལ་ཡང་དག་པར་སྤྱོད་པ་ཞེས་བྱའོ། །ལྷའི་བུ་
D44.035.0023a06.01འཇིག་རྟེན་པའི་བདེ་བ་སྣ་ཚོགས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་བདེ་བ་བསམ་གྱིས་མི་ཁྱབ་པ་དང་། དགའ་བ་དང་རངས་པ་རྒྱ་ཆེན་པོ་སྐྱེད་པ་ཞེས་བྱའོ། །ལྷའི་བུ་ཤིང་གི་དབང་པོའི་མིག་གི་འོད་ཀྱི་རྣམ་པར་ཐར་པ་ནི། ལོ་ཏོག་ཐམས་ཅད་ཀྱི་མྱུ་གུ་
D44.035.0023a07.01