完整藏文原文 · 德格版页 当前仅加载第 35 函德格 347a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་ཡང་དག་པར་གཞོལ་བ་ཞེས་བྱ་བ། གཟུངས་བརྒྱ་སྟོང་གྲངས་མེད་པའི་འཁོར་ཅན་མངོན་དུ་གྱུར་ཏེ། དེ་གཟུངས་ཀྱི་འཁོར་བརྒྱ་སྟོང་གྲངས་མེད་པ་སྟོན་པར་བྱེད་དོ། །ཆོས་སྣང་བ་ཤིན་ཏུ་བསྟན་པ་ཐོབ་
D44.035.0347a01.01པས་སེམས་ཅན་ཐམས་ཅད་ལ་ཆོས་སྟོན་ཏོ། །ཆོས་ཀྱི་སྒོ་སྣང་བའི་ཆོས་ཅན་ལྕེ་ཡངས་པས་འཇིག་རྟེན་གྱི་ཁམས་ཐམས་ཅད་དུ་མངོན་པར་གོ་བར་བྱེད་པ་དང་། དབྱངས་ཀྱི་ཡན་ལག་ལ་མཁས་པས་འགྲོ་བ་ཐམས་ཅད་ཚིམ་པར་བྱེད་པ་དང་། དབང་
D44.035.0347a02.01པོ་ཇི་ལྟ་བ་བཞིན་དུ་མགུ་བར་བྱེད་པ་དང་། ཉོན་མོངས་པ་དང་ཀུན་ནས་འཁོར་བ་ཐམས་ཅད་རྣམ་པར་བཟློག་པ་དང་། སྒྲ་དང་ཚིག་རྣམ་པ་ཐ་དད་པ་ཐམས་ཅད་ལ་རབ་ཏུ་ཞུགས་པ་དང་། ཡི་གེ་ཐམས་ཅད་ཀྱི་སྤོབས་པས་སྟོན་པའི་རྗེས་སུ་སོང་བ་དང་།
D44.035.0347a03.01སེམས་ཅན་ཐམས་ཅད་ཀྱི་ས་བོན་གང་པོ་ཡོངས་སུ་ཤེས་པའི་བསམ་པ་ཅན་དུ་བྱེད་པས་ཆོས་སྟོན་ཏེ་ཐོགས་པར་མི་བྱེད་དོ། །སྐྱོ་བར་མི་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་བྱང་ཆུབ་སེམས་དཔས་ནམ་མཁའི་ཁམས་དང་། ཆོས་ཀྱི་
D44.035.0347a04.01དབྱིངས་མཐའ་དང་དབུས་མེད་པར་རྒྱས་པར་བྱེད་པའི་ལུས་རབ་ཏུ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའི་གཏེར་བཅུས་བློ་གྲོས་མི་ཟད་པ། ཐུབ་པ་མེད་པ་འདྲེས་པ་མེད་པ་རྣམ་པར་མི་ཆོད་པ། རྒྱུན་གཅད་པར་མི་ནུས་པ་ཕྱིར་མི་
D44.035.0347a05.01ལྡོག་པ། གཏིང་རྙེད་པར་དཀའ་བ། རིང་དུ་གྱུར་པ། སྒོ་ཀུན་དང་ལྡན་པ། སངས་རྒྱས་ཐམས་ཅད་ཀྱི་ཆོས་ལ་ཞུགས་པའོ། །ཀྱེ་རྒྱལ་བའི་སྲས་དག །བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་གཏེར་ཏེ། མི་ཟད་པའི་རྣམ་
D44.035.0347a06.01པ་བཅུས་མི་ཟད་པ་ཡིན་ནོ། །བླ་ན་མེད་པ་ཡིན་ནོ། །མཐར་རྫོགས་པའི་སངས་རྒྱས་སུ་འགྱུར་བ་ཡིན་ནོ། །བཅུ་གང་ཞེ་ན། སེམས་ཅན་ཐམས་ཅད་ཉེ་བར་འཚོ་བ་དང་། སྔོན་གྱི་སྨོན་ལམ་ལེགས་པར་ཡོངས་སུ་བསྔོས་པ་དང་། བསྐལ་པ་
D44.035.0347a07.01