完整藏文原文 · 德格版页 当前仅加载第 35 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་འབྱུང་ཞིང་། བྱང་ཆུབ་ཀྱི་སེམས་རབ་ཏུ་སྐྱེ་བ་ཞེས་བྱའོ། །རྒྱ་མཚོའི་ལྷ་རི་རབ་སྲ་བའི་རྡོ་རྗེ་སྣ་ཚོགས་ཀྱི་རྣམ་པར་ཐར་པ་ནི། སེམས་རྒྱ་མཚོ་མི་སྒུལ་བའི་བསོད་ནམས་ལ་རྣམ་པར་ལྟ་བ་ཞེས་བྱའོ། །རྒྱ་མཚོའི་ལྷ་འབྲུག་སྒྲ་སྒྲོག་པ་རྒྱ་མཚོའི་ཤུགས་ཀྱི་དབྱངས་ཀྱི་རྣམ་
D44.035.0041b01.01པར་ཐར་པ་ནི། ཏིང་ངེ་འཛིན་གྱི་དཀྱིལ་འཁོར་ཐམས་ཅད་ཆོས་ཀྱི་དབྱིངས་སུ་ཡང་དག་པར་འཇུག་པའི་རྒྱལ་མཚན་ཅེས་བྱའོ། །དེ་ནས་རྒྱ་མཚོའི་ལྷ་རིན་པོ་ཆེའི་འོད་འབྱུང་བའི་དཔལ་གྱིས་སངས་རྒྱས་ཀྱི་མཐུས། རྒྱ་མཚོའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་
D44.035.0041b02.01རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསྐལ་པ་རྒྱ་མཚོ་བསམ་གྱིས་མི་ཁྱབ་པར། །སངས་རྒྱས་རྒྱ་མཚོ་རྒྱ་ཆེན་མང་མཆོད་ཅིང་། །འགྲོ་བ་དག་ལ་བསོད་ནམས་མཚོ་སྤེལ་བས། །དེ་ཕྱིར་རྒྱལ་བ་ལྷ་མེ་ལྷ་ངེའོ། །འགྲོ་
D44.035.0041b03.01བ་ཀུན་ཏུ་རྒྱལ་བ་མངོན་པར་མཛེས། །སེམས་ཅན་ཀུན་གྱི་དབང་པོ་བསམ་རྒྱུད་དུ། །ཆོས་ཀྱི་རྒྱ་མཚོ་རྒྱ་ཆེན་སྟོན་པ་མཛད། །རྡོ་རྗེ་སེམས་དཔའ་སྲ་བའི་དཔའ་དགའ་འོ། །འགྲོ་བ་ཀུན་ཏུ་འཇིག་རྟེན་མགོན་པོ་ནི། །ཆོས་ཀྱི་སྤྲིན་ལས་ཆར་ཆེན་ཡངས་པ་
D44.035.0041b04.01འབེབས། །སྡུག་བསྔལ་རྒྱ་མཚོ་ཞི་མཛད་ཟད་མི་ཤེས། །རྡུལ་དང་དྲི་མེད་འདིའི་ཚུལ་ལ་འཇུག །སེམས་ཅན་ཐམས་ཅད་མཉམ་མེད་ཉོན་མོངས་བསྒྲིབས། །ལམ་རྒྱུད་རྒྱ་མཚོའི་སྡུག་བསྔལ་ནང་ན་འཁོར། །དེ་དག་ལ་ནི་རྒྱལ་བའི་ཡུལ་སྟོན་ཏེ། །དཔལ་
D44.035.0041b05.01བཅུའི་ལྷ་ནི་འདི་ལ་རབ་ཏུ་དགའ། །བསྐལ་པ་རྒྱ་མཚོ་མང་པོ་བསམ་ཡས་སུ། །རྒྱལ་བས་སྤྱོད་པ་མི་ཟད་རྣམས་སྤྱད་དེ། །འགྲོ་བའི་གཏི་མུག་དཀྱིལ་འཁོར་རྣམ་པར་ཟློག །རིན་ཆེན་ཟླ་བའི་དཔལ་ནི་འདི་ལ་འཇུག །འཁོར་བའི་རྒྱ་མཚོ་སྡུག་བསྔལ་ཆེན་པོ་
D44.035.0041b06.01ན། །སེམས་ཅན་འཁོར་ཞིང་མི་བདེ་ཀུན་གཟིགས་ནས། །རྒྱལ་བས་བླ་ན་མེད་པའི་ལམ་ཡང་བསྟན། །ཀླུ་དཔལ་པདྨོ་གཙུག་ཕུད་འདི་ལ་དགའ། །སངས་རྒྱས་སྤྱོད་ཡུལ་བསམ་གྱིས་མི་ཁྱབ་ལྟོས། །ཆོས་ཀྱི་དབྱིངས་དང་ནམ་མཁའི་མཚན་ཉིད་དེ། །
D44.035.0041b07.01