完整藏文原文 · 德格版页 当前仅加载第 35 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་དེ། གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ནི་སྙིང་པོ་བྱང་ཆུབ་རྒྱ་མཚོའི་རྒྱན་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་རྣམ་པར་བརྒྱན་པ་སྟེ། སྙིང་པོ་བྱང་ཆུབ་ཀྱི་རྒྱན་དེ་དག་རེ་རེ་ལ་ཡང་སེང་གེའི་ཁྲི་རྒྱ་མཚོའི་རྒྱན་འཇིག་རྟེན་
D44.035.0162b01.01གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་གནས་པ། སེང་གེའི་ཁྲིའི་རྒྱན་དེ་དག་རེ་རེ་ལ་ཡང་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མང་པོ་འཁོད་པ་སྟེ། གླིང་བཞི་པའི་འཇིག་རྟེན་གྱི་ཁམས་གནས་
D44.035.0162b02.01ཀྱི་དམ་པ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་ཀུན་ཏུ་བཟང་པོའི་ལུས་དང་སྤྱོད་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དང་ལྡན་པ། སྒོ་མཐའ་ཡས་པ་ནས་མངོན་པར་བསྒྲུབ་པའི་མདོ། །
D44.035.0162b03.01འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོངས་སུ་འཛིན་པ། བྱང་ཆུབ་སེམས་དཔའ་ཐམས་ཅད་ཀྱིས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཤ་སྟག་གོ །ཅིའི་ཕྱིར་ན་གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ལ་
D44.035.0162b04.01གནས་ཀྱི་དམ་པ་ཞེས་བྱ་ཞེ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འཛིན་པ་ན། སེམས་ཅན་རྣམས་ཀྱི་འབྱུང་གནས་དང་གནས་སུ་བྱ་བའི་གླིང་བཞི་པའི་འཇིག་རྟེན་གྱི་ཁམས་གང་ཇི་སྙེད་ཡོད་པ་དེ་དག་གི་ནང་ན་འདི་མཆོག་ཏུ་བྱ་བས་ན། དེའི་ཕྱིར་གླིང་བཞི་
D44.035.0162b05.01པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ལ་གནས་ཀྱི་དམ་པ་ཞེས་བྱའོ། །དེ་ལྟར་དེ་དག་ལས་སོགས་པ་གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ནི་ཡོན་ཏན་གཞལ་དུ་མེད་པ་དང་ལྡན་པ་སྟེ། མདོར་ན་སྟོང་གི་འཇིག་རྟེན་གྱི་ཁམས་ཀུན་ཏུ་
D44.035.0162b06.01སྤྱོད་པ་ན་ཡོན་ཏན་གང་ཇི་སྙེད་ཡོད་པའི་ཡོན་ཏན་དེ་དག་ནི། གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་དེ་ན་ཡོད་དོ། །གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་ཞེས་བྱ་བ་དེ་ན་གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་སུམ་ཅུ་རྩ་གསུམ་གྱི་ལྷའི་ལུས་ཀྱི་དབྱིབས་
D44.035.0162b07.01