完整藏文原文 · 德格版页 当前仅加载第 35 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་ཀྱི་ངད་སྤྲིན་དུ་ལྡང་བ་ཞེས་བྱའོ། །རྐང་གིས་འགྲོ་པདྨོ་ཡིད་དུ་འོང་བའི་འོད་ཀྱི་རྣམ་པར་ཐར་པ་ནི། པདྨོའི་གསེབ་ཐམས་ཅད་ནས་ཡིད་དུ་འོང་བའི་ཆོས་ཀྱི་དབྱངས་འབྱུང་བས་སྣང་བ་སྐྱེད་པ་ཞེས་བྱའོ། །རྐང་གིས་འགྲོ་རྡུལ་གྱི་ཤུགས་
D44.035.0051a01.01ཀྱི་འོད་ཀྱི་རྣམ་པར་ཐར་པ་ནི། ལུས་ཀྱི་འོད་ཟེར་རྣམ་པ་སྣ་ཚོགས་ཐམས་ཅད་ཀྱི་དྲ་བས་སྣང་བ་བྱེད་པ་ཞེས་བྱའོ། །རྐང་གིས་འགྲོ་མེ་ཏོག་མང་པོའི་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་དགེ་བའི་རྩ་བ་རྒྱ་མཚོས་ཡང་དག་པར་སྐུལ་བ་འབྱུང་བ་
D44.035.0051a02.01ཞེས་བྱའོ། །དེ་ནས་རྐང་གིས་འགྲོ་རིན་ཆེན་དཔལ་གྱི་ཕྱག་རྒྱས་སངས་རྒྱས་ཀྱི་མཐུས། རྐང་གིས་འགྲོ་བའི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དགའ་བ་རྒྱ་མཚོའི་ཚུལ་གྱིས་
D44.035.0051a03.01ཤུགས་བསྐྱེད་ཅིང་། །བསྐལ་པ་མཐའ་ཡས་སྔན་ཅད་སྤྱོད་པ་མཛད། །ཞིང་རྣམས་ཀུན་རྡུལ་ཤིན་ཏུ་ཕྲ་མཉམ་པའི། །སངས་རྒྱས་རྣམས་ཀྱང་དགྱེས་པའི་ཐུགས་ཀྱིས་མཆོད། །སྐད་ཅིག་སེམས་ལ་པདྨོ་བརྗོད་ཡངས་པ། །དྲི་ཞིམ་སྣ་ཚོགས་མངོན་པར་སྤྲུལ་
D44.035.0051a04.01མཛད་ནས། །ཞིང་རྣམས་ཀུན་ཏུ་རྒྱལ་བ་གཤེགས་མཛད་པ། །སྣང་བའི་འོད་ཟེར་ལྷ་དེས་རབ་ཏུ་མཐོང་། །འདྲེན་པ་རྣམས་ཀྱི་ཆོས་ཉིད་བསམ་མི་ཁྱབ། །འཁོར་རྣམས་ཀུན་ཏུ་འབྱམ་ཀླས་མཐའ་ཡས་པའི། །རྣམ་པར་འཕྲུལ་པ་མི་ཟད་རབ་ཏུ་སྟོན། །
D44.035.0051a05.01མེ་ཏོག་གཙུག་ཕུད་ལྷ་དེས་དེ་མཐོང་ངོ་། །ཕྱོགས་བཅུའི་ཞིང་གི་དབྱིངས་རྣམས་མ་ལུས་པ། །ཐམས་ཅད་ཀུན་ཏུ་གཤེགས་ཤིང་བཞུད་པ་ཡིས། །སེམས་ཅན་མཐའ་ཡས་ཡོངས་སུ་སྨིན་པར་མཛད། །ཤིན་ཏུ་མཛེས་པས་དགའ་བར་དེ་མཐོང་ངོ་། །སེམས་
D44.035.0051a06.01ཅན་སྙེད་ཀྱི་སྤྲུལ་པ་ཀུན་འཕྲོས་པས། །རེ་རེའི་སྐུ་ཡིས་ཆོས་ཀྱི་དབྱིངས་ཀྱང་འགེངས། །རིན་ཆེན་དྲི་མེད་འོད་ཀྱང་རབ་ཏུ་གཏོང་། །རྐང་འགྲོ་དཔལ་གྱི་མཚན་གྱིས་འདི་མཐོང་ངོ་། །དེ་བཞིན་གཤེགས་པའི་སྤྱོད་ཡུལ་མཐའ་ཡས་ཏེ། །འཁོར་དུ་རྒྱལ་བ་ཆོས་ཀྱི་ཆར་ཡང་
D44.035.0051a07.01