完整藏文原文 · 德格版页 当前仅加载第 37 函德格 392a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ནུས་རེ་སྐན། །སོང་རིགས་ཀྱི་བུ། ལྷོ་ཕྱོགས་ཀྱི་རྒྱུད་འདི་ཉིད་ན་ཡུལ་{མྱིག་,མིག་}གསུམ་པ་ཞེས་བྱ་བ་ཡོད་དེ། དེ་ན་དགེ་སློང་བལྟ་ན་སྡུག་པ་ཞེས་བྱ་བ་འདུག་གིས། དེའི་གན་དུ་སོང་ལ་ཇི་ལྟར་བྱང་ཆུབ་སེམས་དཔས་
D44.037.0392a01.01བྱང་ཆུབ་སེམས་དཔའི་སྤྱོད་པ་ལ་བསླབ་པར་བྱ་བ་དང་། ཇི་ལྟར་ནན་ཏན་དུ་བྱ་བ་དྲིས་ཤིག །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བུ་མོ་བྱམས་མའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། བུ་མོ་བྱམས་མ་ལ་ལན་བརྒྱ་སྟོང་དུ་མར་གཡས་
D44.037.0392a02.01ཕྱོགས་སུ་བསྐོར་བ་བྱས་ནས་ཡང་དང་ཡང་བལྟས་ཏེ། བུ་མོ་བྱམས་མའི་དྲུང་ནས་སོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}བྱང་ཆུབ་སེམས་དཔའི་ཡེ་ཤེས་ཀྱི་རྣམ་པར་སྤྱོད་པ་ཟབ་མོ་རྗེས་སུ་བསམ་པ་དང་། ཆོས་ཀྱི་དབྱིངས་ཀྱི་གཞི་ཟབ་མོ་
D44.037.0392a03.01ཁོང་དུ་ཆུད་པར་བྱ་བ་རྗེས་སུ་བསམ་པ་དང་། སེམས་ཅན་གྱི་ཡེ་ཤེས་ཤིན་ཏུ་ཕྲ་ཞིང་ཟབ་པ་རྗེས་སུ་བསམ་པ་དང་། འཇིག་རྟེན་གྱི་འདུ་ཤེས་ཀྱི་རྣམ་པ་ཟབ་མོ་རྗེས་སུ་བསམ་པ་དང་། མངོན་པར་འདུ་བྱ་བ་མེད་པའི་དབྱིངས་ཟབ་མོ་རྗེས་སུ་བསམ་
D44.037.0392a04.01པ་དང་། སེམས་ཀྱི་རྒྱུད་ཀྱི་དབྱིངས་ཟབ་མོ་རྗེས་སུ་བསམ་པ་དང་། རྟེན་ཅིང་འབྲེལ་བར་འབྱུང་བའི་དབྱིངས་ཟབ་མོ་རྗེས་སུ་བསམ་པ་དང་། རང་བཞིན་གྱིས་དབེན་པའི་དབྱིངས་ཟབ་མོ་རྗེས་སུ་བསམ་པ་དང་། འགྲོ་བ་ཐམས་ཅད་ཀྱི་རྣམ་པར་
D44.037.0392a05.01དཔྱོད་པ་བདེན་པའི་དབྱིངས་ཟབ་མོ་རྗེས་སུ་བསམ་པ་དང་། ཆོས་ཀྱི་དབྱིངས་བརྒྱན་པའི་དབྱིངས་ཟབ་མོ་རྗེས་སུ་བསམ་པ་དང་། ལུས་ཀྱི་འཁྲུལ་འཁོར་ཤུགས་ཀྱིས་འཁོར་བའི་དབྱིངས་ཟབ་མོ་རྗེས་སུ་བསམ་པ་དང་། ལས་ཀྱིས་སྣ་ཚོགས་
D44.037.0392a06.01སུ་གྱུར་པའི་དབྱིངས་ཟབ་མོ་རྗེས་སུ་བསམ་པ་བྱེད་ཅིང་མཐར་གྱིས་ཡུལ་{མྱིག་,མིག་}གསུམ་པ་གང་ན་བ་དེར་ཕྱིན་ཏེ། ཡུལ་གྱི་འཁོར་དང་། གྲོང་ཁྱེར་གྱི་འཁོར་དང་། ཚོང་དུས་ཀྱི་འཁོར་དང་། གྲོང་རྡལ་གྱི་འཁོར་དང་། ཡུལ་གྲུའི་འཁོར་དང་། ལྷས་ཀྱི་
D44.037.0392a07.01