完整藏文原文 · 德格版页 当前仅加载第 37 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་ལའང་མི་གནས་ཏེ། སེམས་ཅན་གང་ཡང་རུང་སྒྲ་སྣ་ཚོགས་ཇི་སྙེད་དུ་བརྗོད་པ་དེ་དག་ཐམས་ཅད་ཀྱང་དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བའི་སྒྲ་ཉིད་དུ་བརྗོད་དོ། །དེ་ཅིའི་ཕྱིར་ཞེ་ན། སྒྲ་ཐམས་ཅད་
D44.037.0130a01.01ནི་ཆོས་ཀྱི་འཁོར་ལོ་བསྐོར་བའི་ཚུལ་ལས་རྣམ་པར་མི་འདའོ། །ཀྱེ་རྒྱལ་བའི་སྲས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས། ཆོས་ཀྱི་འཁོར་
D44.037.0130a02.01ལོ་བསྐོར་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བ་ཁོང་དུ་ཆུད་པར་འདོད་པས། དེ་བཞིན་གཤེགས་པའི་མངོན་པར་བསྒྲུབ་པ་ལ་
D44.037.0130a03.01འཇུག་པ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དེ་བཞིན་གཤེགས་པས་མངོན་པར་བསྒྲུབ་པ་དེ་ཡང་གང་ཞེ་ན། ཀྱེ་རྒྱལ་བའི་སྲས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བའི་ཚེ། སེམས་ཅན་ཐམས་ཅད་ཀྱི་སེམས་དང་།
D44.037.0130a04.01སྤྱོད་པ་དང་། བསམ་པ་དང་། དབང་པོ་དང་། བརྩོན་འགྲུས་རྣམ་པ་ཐ་དད་པ་ཇི་སྙེད་པ་དེ་སྙེད་དུ། དེ་བཞིན་གཤེགས་པའི་གསུང་ལས་དབྱངས་ཀྱི་ཡན་ལག་འབྱུང་བར་འགྱུར་རོ། །ཀྱེ་རྒྱལ་བའི་སྲས། དེ་ཅིའི་ཕྱིར་ཞེ་ན། དེ་བཞིན་གཤེགས་
D44.037.0130a05.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་ཏིང་ངེ་འཛིན་མི་བསྙེངས་པ། ཆགས་པ་མེད་པའི་མཐར་ཐུག་པ་ཞེས་བྱ་བ་མངའ་སྟེ། དེ་ལ་སྙོམས་པར་ཞུགས་ཞིང་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བ་མཛད་དེ།
D44.037.0130a06.01ཀྱེ་རྒྱལ་བའི་སྲས་དེ་བཞིན་གཤེགས་པ་རྣམས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སེམས་ཅན་ཐམས་ཅད་ཇི་སྙེད་ཡོད་པ་དེ་སྙེད་ཀྱི་ཆོས་ཀྱི་འཁོར་ལོ་བསྐོར་བའི་སྒྲ་མངོན་པར་རྫོགས་པའི་བྱང་ཆུབ་ཀྱི་སྐུ་རེ་རེའི་ཞལ་ནས་འབྱུང་ངོ་། །
D44.037.0130a07.01