完整藏文原文 · 德格版页 当前仅加载第 37 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞུགས་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཡིན་ནོ། །འདི་ལྟ་སྟེ་ཐམས་ཅད་ཀྱང་འགྲོ་བ་ཐམས་ཅད་ཀྱི་དོན་དུ་མངོན་པར་སངས་རྒྱས་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཡིན་ནོ། །འདི་ལྟ་སྟེ་འདུལ་བའི་སེམས་
D44.037.0009b01.01ཅན་རྣམས་འདུལ་བ་ལ་ཐོགས་པ་མི་མངའ་བ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཡིན་ནོ། །འདི་ལྟ་སྟེ་མི་གཉིས་པར་ཡང་དག་པར་སྤྱོད་པའི་མཚན་ཉིད་ཀྱི་ཆོས་ལ་རབ་ཏུ་གཞོལ་བ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཡིན་
D44.037.0009b02.01ནོ། འདི་ལྟ་སྟེ་ཇི་ལྟར་ཡོངས་སུ་སྨིན་པར་འགྱུར་བ་དང་། དུལ་བར་གྱུར་པའི་སེམས་ཅན་རྣམས་ལ་སངས་རྒྱས་ཀྱི་ཡུལ་མུ་མེད་པས་སངས་རྒྱས་ཀྱི་ཡོངས་སུ་མྱ་ངན་ལས་འདའ་བ་སྟོན་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཡིན་ཏེ། ཀྱེ་
D44.037.0009b03.01རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཚུལ་ལོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཆོས་མཐའ་ཡས་པ་ཤིན་ཏུ་བསྟན་པའི་སྒོ་རྣམས་ཏེ། བཅུ་གང་ཞེ་ན །
D44.037.0009b04.01སངས་རྒྱས་བཅོམ་ལྡན་འདས་རྣམས་ནི་སེམས་ཅན་གྱི་ཁམས་ཤིན་ཏུ་བསྟན་པའི་སྒོར་མཐའ་ཡས་པའོ། །སངས་རྒྱས་བཅོམ་ལྡན་འདས་རྣམས་ནི་སེམས་ཅན་གྱི་སྤྱོད་པ་སྣ་ཚོགས་ཤིན་ཏུ་བསྟན་པའི་སྒོར་མཐའ་ཡས་པའོ། །སངས་རྒྱས་བཅོམ་
D44.037.0009b05.01ལྡན་འདས་རྣམས་ནི་སེམས་ཅན་ཐམས་ཅད་ཀྱི་ལས་དང་རྣམ་པར་སྨིན་པ་ཤིན་ཏུ་བསྟན་པའི་སྒོར་མཐའ་ཡས་པའོ། །སངས་རྒྱས་བཅོམ་ལྡན་འདས་རྣམས་ནི་སེམས་ཅན་ཐམས་ཅད་ལ་གདམས་ངག་དང་མན་ངག་ཤིན་ཏུ་བསྟན་པའི་སྒོར་མཐའ་ཡས་
D44.037.0009b06.01པའོ། །སངས་རྒྱས་བཅོམ་ལྡན་འདས་རྣམས་ནི་སེམས་ཅན་མཐའ་ཡས་པ་རྣམ་པར་སྦྱོང་བའི་ནན་ཏན་གྱི་སྒོར་མཐའ་ཡས་པའོ། །སངས་རྒྱས་བཅོམ་ལྡན་འདས་རྣམས་ནི་བྱང་ཆུབ་སེམས་དཔའི་སྤྱོད་པ་ཐམས་ཅད་ལ་གདམས་ངག་དང་མན་ངག་གིས་
D44.037.0009b07.01