完整藏文原文 · 德格版页 当前仅加载第 37 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མི་རྟག་པར་ཤེས་པར་བྱ་བ་དང་། འཇིག་རྟེན་གྱི་ཚུལ་ལ་མངོན་པར་ཞེན་པ་རྣམ་པར་བཟློག་པ་དང་། འཇིག་རྟེན་གྱི་དགའ་བ་ལ་སྲེད་པ་ཡོངས་སུ་གཅད་པ་དང་། འཇིག་རྟེན་གྱི་ཉོན་མོངས་པ་བྱང་ཞིང་ནུབ་པ་ལ་ཡང་དག་པར་སྤྱོད་པར་བྱ་བ་དང་། སེམས་ཅན་
D44.037.0023a01.01གྱི་དོན་རྗེས་སུ་དྲན་པར་བྱ་བའི་ཕྱིར། །མངོན་པར་འབྱུང་བའི་དོན་ལ་རབ་ཏུ་གཞོལ་བ་དང་། །ཁྱིམ་པའི་ཚུལ་ཡོངས་སུ་སྤང་བ་བསྟན་པ་དང་། ཉོན་མོངས་པ་མེད་པའི་ཆོས་ཀྱི་སྦྱོར་བ་ལ་ཡང་དག་པར་གནས་པར་བྱ་བ་དང་། སྔོན་གྱི་སྨོན་ལམ་
D44.037.0023a02.01ཡོངས་སུ་རྫོགས་པར་བྱ་བ་དང་། ཡོན་ཏན་གྱི་དཀྱིལ་འཁོར་ཚད་མེད་པ་ཡོངས་སུ་སྣང་བར་བྱ་བ་དང་། ཡེ་ཤེས་ཀྱི་དཀྱིལ་འཁོར་ཆེན་པོ་བརྙེས་པས་སེམས་ཅན་རྣམས་ཀྱི་མི་ཤེས་པའི་སྒྲིབ་པ་རབ་ཏུ་བསྩལ་བ་དང་། བདག་ཉིད་བསོད་ནམས་ཀྱི་ཞིང་
D44.037.0023a03.01བླ་ན་མེད་པར་གྱུར་པར་འགྲོ་བ་ཐམས་ཅད་ལ་བསྟན་པ་དང་། དགེ་བའི་རྩ་བ་ཐམས་ཅད་སངས་རྒྱས་ལ་བསྐྱེད་པའི་དགེ་བའི་རྩ་བའི་ནང་དུ་འདུས་པར་འགྲོ་བ་ཐམས་ཅད་ལ་ཡང་དག་པར་བརྗོད་པ་དང་། བདག་ཉིད་ཀྱིས་ཡེ་ཤེས་ཀྱི་དོན་གཟིགས་པར་བསྟན་
D44.037.0023a04.01པ་དང་། སེམས་ཅན་རྣམས་རྣམ་པར་དག་པའི་སྒོར་བརྗོད་པ་དང་། སེམས་ཅན་རྣམས་ཁ་ན་མ་ཐོ་བ་མེད་པའི་སྒོར་བསྒྲུབ་པ་དང་། འཇིག་རྟེན་ཐམས་ཅད་དུ་འབྱུང་བའི་སྒོ་རབ་ཏུ་བསྟན་པ་དང་། ཐམས་ཅད་མཁྱེན་པ་ཉིད་ཀྱི་རྒྱལ་མཚན་ཡང་དག་
D44.037.0023a05.01པར་བསྒྲེང་བར་མཛད་ཅིང་མངོན་པར་འབྱུང་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་བཞི་པའོ། །དོན་གཅིག་མ་ཡིན་པ་མཁྱེན་པ་དང་ལྡན་པ། ཐམས་ཅད་མཁྱེན་པའི་ཡེ་ཤེས་ཀྱི་མཐར་ཐུག་པ་རྣམས་ནི་ཆོས་ཐམས་ཅད་
D44.037.0023a06.01མངོན་པར་འཚང་རྒྱ་བར་བྱའོ་ཞེས་བྱང་ཆུབ་ཀྱི་ཤིང་དྲུང་དུ་བྱོན་ཏེ། བྱང་ཆུབ་ཏུ་མངོན་པར་འཚང་རྒྱ་བས་ཀྱང་བདུད་ཀྱི་དཔུང་ཐམས་ཅད་རབ་ཏུ་གཞོམ་པ་དང་། སྐུའི་བྱིན་གྱི་རླབས་ཀྱི་མཛོད་ཀྱིས་ཆོས་ཀྱི་དབྱིངས་ཀྱི་མ་ལུས་པ་ཐམས་ཅད་དུ་རྒྱས་པར་
D44.037.0023a07.01