完整藏文原文 · 德格版页 当前仅加载第 37 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དང་། སྤྱོད་པ་རབ་ཏུ་ཤེས་པར་བྱ་བའི་ཕྱིར་ཡེ་ཤེས་ཀྱི་སྟོབས་དང་། བསམ་པ་ཐམས་ཅད་ཡོངས་སུ་རྫོགས་པར་བྱ་བའི་སྨོན་ལམ་གྱི་སྟོབས་དང་། ཕྱི་མའི་མཐའི་མུར་ཐུག་པར་རྒྱུན་ཆད་པ་མེད་པར་བྱ་བའི་ཕྱིར་སྤྱོད་པའི་སྟོབས་དང་། ཐེག་པ་
D44.037.0204a01.01ཐམས་ཅད་ཀྱིས་འབྱུང་བར་ཀུན་ཏུ་བསྟན་པ་དང་། ཐེག་པ་ཆེན་པོ་ལས་ཕྱིར་མི་ལྡོག་པར་བྱ་བའི་ཕྱིར་ཐེག་པའི་སྟོབས་དང་། སྐྲའི་སྦུབས་གཅིག་ཏུ་སངས་རྒྱས་འབྱུང་བ་ཐམས་ཅད་དང་། འཇིག་རྟེན་གྱི་ཁམས་ཡོངས་སུ་དག་པ་ཐམས་ཅད་ཀུན་ཏུ་བསྟན་པའི་ཕྱིར་རྣམ་པར་འཕྲུལ་
D44.037.0204a02.01པའི་སྟོབས་དང་། སེམས་བསྐྱེད་པ་ཐམས་ཅད་ལ་བྱང་ཆུབ་ཏུ་རྣམ་པར་འཚང་རྒྱ་བ་དང་། མི་འབྲལ་བའི་ཕྱིར་བྱང་ཆུབ་ཀྱི་སྟོབས་དང་། ཆོས་ཀྱི་ཚིག་གཅིག་བརྗོད་པས་སེམས་ཅན་ཐམས་ཅད་ཀྱི་བསམ་པ་དང་། དབང་པོ་མ་ལུས་པ་ལྷག་མ་མེད་པ་མཐའ་དག་རྟོགས་པར་
D44.037.0204a03.01བྱ་བའི་ཕྱིར་ཆོས་ཀྱི་འཁོར་ལོ་བསྐོར་བའི་སྟོབས་ཏེ། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྟོབས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཐམས་ཅད་མཁྱེན་པའི་ཡེ་ཤེས་དང་། སྟོབས་བཅུ་དང་ལྡན་པའི་མཆོག་ཏུ་འགྱུར་བ་
D44.037.0204a04.01འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མི་འཇིགས་པ་སྟེ། བཅུ་གང་ཞེ་ན། འདི་ལྟར་ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སྒྲ་ཐམས་ཅད་འཛིན་པའི་གཟུངས་རབ་ཏུ་ཐོབ་པ་ཡིན་ཏེ། དེ་འདི་སྙམ་དུ་ཤར་
D44.037.0204a05.01ཕྱོགས་དང་། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ནས་སྟོན་པ་ལ་ལ་ཞིག་བདག་གི་གན་དུ་བྱོན་ཏེ། འགྲོ་བ་ཆེན་པོ་བརྒྱ་སྟོང་རབ་ཏུ་བཤད་པར་གྱུར་ན། བདག་གིས་དེ་གཟུང་བར་མི་ནུས་སྙམ་དུ་མི་སེམས་ཏེ། བྱང་ཆུབ་སེམས་དཔས་རྒྱུ་འདི་རྗེས་སུ་མི་མཐོང་ངོ་།
D44.037.0204a06.01རྒྱུའང་རྗེས་སུ་མི་མཐོང་བས་མི་འཇིགས་པ་ཆེན་པོའི་དམ་པ་ཐོབ་ཅིང་བརྟན་ལ་ཞུམ་པ་མེད་པའི་ཡིད་ཀྱིས་འགྲོ་བ་ཐམས་ཅད་ལ་ཅི་འདོད་པ་དེ་དྲིས་ཤིག་ཅེས་སྐབས་འབྱེད་པ་འདི་ནི་མི་འཇིགས་པ་དང་པོའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཡི་གེ་དང་།
D44.037.0204a07.01