完整藏文原文 · 德格版页 当前仅加载第 37 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡིང་ནི་མཁའ་གནས་ཀླུ་ལ་རྣམ་པར་ལྟ། །ཆུ་ཆེན་ཡོངས་ཕྱེ་ཀླུ་དང་ཀླུ་ཡི་བུ་མོ་འདྲེན། །སྟོབས་བཅུ་རང་གི་མཐུ་ཡིས་ཉོན་མོངས་རྣམ་ཕྱེ་ཞིང་། །དགེ་རྩ་ལེགས་པར་བྱས་པ་འདུས་བྱས་ཁམས་ནས་འབྱིན། །ཉི་མ་ཟླ་བ་མཁའ་ཡི་དབྱིངས་
D44.037.0125b01.01ལས་ཤུགས་ཀྱིས་རྒྱུ། །སེམས་ཅན་བདེ་བ་སྐྱེད་ཀྱང་རྟོག་པ་ཡོད་པ་མིན། །བཅོམ་ལྡན་འདས་ཀྱང་དེ་བཞིན་ཆོས་ཀྱི་དབྱིངས་གཤེགས་ཤིང་། །སེམས་ཅན་མང་པོ་འདུལ་ཡང་རྣམ་པར་རྟོག་མི་མངའ། །དེ་སྐད་ཅེས་སྨྲས་པ་དང་།
D44.037.0125b02.01བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་
D44.037.0125b03.01ཆེན་པོས་ཇི་ལྟ་བུར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མངོན་པར་རྫོགས་པར་བྱང་ཆུབ་པ་ཁོང་དུ་ཆུད་པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་
D44.037.0125b04.01བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས། དོན་ཐམས་ཅད་རྣམ་པར་དཔྱད་པ་མཉམ་པ་
D44.037.0125b05.01ཉིད་དང་། ཆོས་ཐམས་ཅད་ལ་ནེམ་ནུར་མེད་ཅིང་། །གཉིས་སུ་མེད་པ་རྗེས་སུ་རྟོགས་པས། དེ་བཞིན་གཤེགས་པ་རྣམས་ཀྱི་མངོན་པར་རྫོགས་པར་བྱང་ཆུབ་པ་ཁོང་དུ་ཆུད་པར་བྱའོ། །མཚན་མ་མེད་པ་རྗེས་སུ་རྟོགས་པ་དང་། རྒྱུ་བ་མེད་པ་
D44.037.0125b06.01རྗེས་སུ་རྟོགས་པ་དང་། ཐོགས་པ་མེད་པ་རྗེས་སུ་རྟོགས་པ་དང་། མཐའ་དང་དབུས་མེད་པ་རྗེས་སུ་རྟོགས་པ་དང་། མུ་མེད་པར་ཁྱབ་པ་རྗེས་སུ་རྟོགས་པ་དང་། མཐའ་དང་མཐའ་མེད་པ་ཡོངས་སུ་སྤངས་པའི་དབུས་ཀྱི་གནས་ཁོང་དུ་ཆུད་པ་དང་། ཡི་གེ་དང་སྒྲ་དང་བརྗོད་
D44.037.0125b07.01