完整藏文原文 · 德格版页 当前仅加载第 37 函德格 357b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཆོས་ཀྱི་དབྱིངས་རྒྱས་པར་འགེངས་པ་མཐོང་ངོ་།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་སུམ་ཅུ་པ། ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་
D44.037.0357b01.01བྱུང་སྟེ། བྱང་ཆུབ་སེམས་དཔའི་སྟོབས་རབ་ཏུ་སྣང་བར་བྱ་བ་དང་། བྱང་ཆུབ་སེམས་དཔའི་སྟོབས་ཡོངས་སུ་བསྒྲུབ་པའི་སྒྲ་རབ་ཏུ་དབྱུང་བ་དང་། བ་སྤུའི་བུ་ག་ཐམས་ཅད་ནས་སྟོབས་ཀྱི་ཕ་རོལ་ཏུ་ཕྱིན་པའི་སྒྲུབ་ཅིང་འབྱིན་པའི་སྔོན་གྱི་སྦྱོར་བ་མང་པོའི་
D44.037.0357b02.01སྤྲིན་རབ་ཏུ་དགྱེ་བ་དང་། བདུད་དང་ཕས་ཀྱི་རྒོལ་བ་ཐམས་ཅད་ཀྱིས་མི་ཐུབ་པའི་སྟོབས་ཡོངས་སུ་བསྟན་པ་དང་། ཁོར་ཡུག་དང་རྡོ་རྗེའི་རི་ཐམས་ཅད་ལུས་ཀྱི་སྟེང་དུ་རྡིབ་ཀྱང་མི་ཉམས་པའི་སྟོབས་རབ་ཏུ་བརྗོད་པ་དང་། བསྐལ་པས་
D44.037.0357b03.01ཚིག་པ་ཐམས་ཅད་ཀྱི་མེ་རྒྱ་མཚོའི་ནང་ན་གནས་ཀྱང་ལུས་ལ་གནོད་པ་མེད་པའི་སྟོབས་ཡོངས་སུ་བསྟན་པ་དང་། འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་ལག་པའི་མཐིལ་གྱི་ནམ་མཁའི་དབྱིངས་སུ་སྟོན་པའི་སྟོབས་ཡོངས་སུ་སྟོན་པ་བྱེད་
D44.037.0357b04.01ཅིང་། སེམས་ཀྱི་སྐད་ཅིག་རེ་རེ་ལ་ཆོས་ཀྱི་དབྱིངས་སུ་འགེངས་པས་རྒྱུན་མི་གཅོད་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། སེམས་ཅན་རྣམས་ལ་ཡེ་ཤེས་ཀྱི་དཀྱིལ་འཁོར་སྟོན་ཅིང་
D44.037.0357b05.01བ་སྤུའི་བུ་ག་ཐམས་ཅད་ནས་ཡེ་ཤེས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་དང་ལྡན་པའི་སྔོན་གྱི་སྦྱོར་བ་མང་པོའི་སྤྲིན་རབ་ཏུ་དགྱེ་བ་དང་། འཇིག་རྟེན་རྣམས་ལ་སངས་རྒྱས་ཐམས་ཅད་ཀྱི་ཡོན་ཏན་དང་། ཡེ་ཤེས་མངོན་པར་ཤེས་པ་དང་ལྡན་པའི་ཡེ་ཤེས་
D44.037.0357b06.01ཀྱིས་རབ་ཏུ་བརྗོད་པ་དང་། སངས་རྒྱས་ཐམས་ཅད་ཀྱི་མཚན་མངོན་པར་ཤེས་པ་དང་ལྡན་པའི་ཡེ་ཤེས་ཀྱིས་མངོན་པར་བསྟན་པ་དང་། སྨོན་ལམ་ཐམས་ཅད་མངོན་པར་བསྒྲུབ་པའི་ཡེ་ཤེས་མངོན་པར་ཤེས་པ་དང་ལྡན་པའི་ཡེ་ཤེས་ཀྱིས་ཡོངས་སུ་བརྗོད་པ་དང་།
D44.037.0357b07.01