完整藏文原文 · 德格版页 当前仅加载第 37 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་འཁོར་བ་མྱ་ངན་ལས་འདས་པ་ཡོངས་སུ་མྱ་ངན་ལས་འདའ་བས་ཤིན་ཏུ་མྱ་ངན་ལས་འདའ་བར་མི་བྱེད་པ་འདི་ནི་རྣམ་པར་རྩེ་བ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་མཉམ་པར་
D44.037.0203a01.01བཞག་བཞིན་དུ་འདི་ལྟ་སྟེ། འོང་བ་དང་འགྲོ་བ་དང་། འགྲེང་བ་དང་འདུག་པའི་བྱ་བ་ཐམས་ཅད་ཡོངས་སུ་སྟོན་ཀྱང་། ཏིང་ངེ་འཛིན་གྱི་མཉམ་པ་ཉིད་འཁྲུག་པར་མི་བྱེད་པ་དེ་ནི་རྣམ་པར་རྩེ་བ་དགུ་བའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་དེ་བཞིན་གཤེགས་
D44.037.0203a02.01པ་གཅིག་གི་ཞབས་ཀྱི་དྲུང་ནས་ཆོས་ཐོས་ནས་ལུས་ཀྱང་མི་སྣང་བར་མི་བྱེད་ལ། ཏིང་ངེ་འཛིན་ཀྱི་སྟོབས་ཀྱིས་དེ་བཞིན་གཤེགས་པའི་འཁོར་ཀྱི་དཀྱིལ་འཁོར་བརྗོད་དུ་མེད་པའི་ཡང་བརྗོད་དུ་མེད་པ་གཞན་དང་གཞན་དུ་ལུས་རྣམ་པར་དགོད་པས། ལྡང་ཡང་ལུས་ཐ་དད་པར་ཡང་མི་བྱེད།
D44.037.0203a03.01ཏིང་ངེ་འཛིན་ཐ་དད་པར་ཡང་མི་བྱེད་ལ་དེ་བཞིན་གཤེགས་པ་དེ་དག་ལས་ཀྱང་ཆོས་ཉན་ཅིང་ཐོས་ནས་ཀྱང་འཛིན་ཅིང་ཀུན་ཆུབ་པར་བྱེད་ལ་ཏིང་ངེ་འཛིན་ལའང་སྙོམས་པར་འཇུག་ཅིང་ཆོས་དྲི་བ་གཟུང་བའི་རྒྱུན་ཀྱང་མི་གཅོད་དེ། དེ་དེ་ལྟར་མཉམ་པར་བཞག་བཞིན་དུ་ལུས་མི་སྣང་བར་
D44.037.0203a04.01ཡང་མི་བྱེད་ལ་ཏིང་ངེ་འཛིན་གྱི་ལུས་དང་། སྒོ་མངོན་པར་བསྒྲུབ་པ་རེ་རེས་ལས་ཀྱང་བརྗོད་དུ་མེད་པའི་ཡང་བརྗོད་དུ་མེད་པའི་ཏིང་ངེ་འཛིན་གྱི་ལུས་དང་། སྒོ་མངོན་པར་བསྒྲུབ་ཅིང་དེ་ལྟ་བུའི་ཚུལ་གྱིས་བསྐལ་པ་ཐམས་ཅད་ཟད་པར་གྱུར་ཀྱང་། བྱང་ཆུབ་སེམས་དཔའི་ཏིང་ངེ་
D44.037.0203a05.01འཛིན་ཀྱི་སྒོ་མངོན་པར་བསྒྲུབ་པའི་མཐའ་གང་ཡང་མེད་པ་དེ་ནི་རྣམ་པར་རྩེ་བ་བཅུ་པའོ། །ཀྱེ་རྒྱལ་བའི་སྲས་བཅུ་བོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་རྩེ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོས་རྣམ་པར་རོལ་
D44.037.0203a06.01པ་བླ་ན་མེད་པ་འཐོབ་པར་འགྱུར་བདག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡུལ་ཏེ། བཅུ་གང་ཞེ་ན་འདི་ལྟར་ཆོས་ཀྱི་དབྱིངས་མཐའ་ཡས་པའི་སྒོ་ལ་འཇུག་པར་སེམས་ཅན་ལ་ཡོངས་སུ་སྟོན་པའི་ཡུལ་དང་། འཇིག་རྟེན་གྱི་ཁམས་ཐམས་ཅད་
D44.037.0203a07.01