完整藏文原文 · 德格版页 当前仅加载第 37 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་དུ་གནས་ཤིང་མི་སྐྱོ་བར་བྱེད་པའི་བཤེས་གཉེན་དང་། ཀུན་ཏུ་བཟང་པོའི་སྤྱོད་པ་ལ་རབ་ཏུ་གཞོག་པའི་བཤེས་གཉེན་དང་། སངས་རྒྱས་ཐམས་ཅད་ཀྱི་ཡེ་ཤེས་ལ་འཇུག་ཅིང་འབབ་པར་བྱེད་པའི་བཤེས་གཉེན་ཏེ། ཀྱེ་རྒྱལ་བའི་
D44.037.0148b01.01སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་བཤེས་གཉེན་ནོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བརྩོན་འགྲུས་བརྩམས་པ་སྟེ། བཅུ་གང་ཞེ་ན། འདི་ལྟར་སེམས་ཅན་གྱི་ཁམས་ཐམས་ཅད་
D44.037.0148b02.01ཡོངས་སུ་སྨིན་པར་བྱའོ་སྙམ་སྟེ། བརྩོན་འགྲུས་རྩོམ་པ་དང་། ཆོས་ཐམས་ཅད་གཟུང་བར་བྱའོ་སྙམ་སྟེ་བརྩོན་འགྲུས་རྩོམ་པ་དང་། འཇིག་རྟེན་གྱི་ཁམས་ཐམས་ཅད་ཡོངས་སུ་སྦྱང་བར་བྱའོ་སྙམ་སྟེ། བརྩོན་འགྲུས་རྩོམ་པ་དང་།
D44.037.0148b03.01བྱང་ཆུབ་སེམས་དཔའི་བསླབ་པ་ཐམས་ཅད་ཤེས་པར་བྱའོ་སྙམ་སྟེ། བརྩོན་འགྲུས་རྩོམ་པ་དང་། སེམས་ཅན་ཐམས་ཅད་ཀྱི་ཉེས་བྱས་ཟད་པར་བྱའོ་སྙམ་སྟེ་བརྩོན་འགྲུས་རྩོམ་པ་དང་། སེམས་ཅན་དམྱལ་བ་དང་། བྱོལ་སོང་གི་སྐྱེ་
D44.037.0148b04.01གནས་དང་། གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་རྒྱུན་གཅད་དོ་སྙམ་སྟེ། བརྩོན་འགྲུས་རྩོམ་པ་དང་། བདུད་ཐམས་ཅད་ལས་རྒྱལ་བར་བྱའོ་སྙམ་སྟེ། བརྩོན་འགྲུས་རྩོམ་པ་དང་། སེམས་ཅན་ཐམས་ཅད་ལ་འཁྲུག་པ་མེད་པར་བྱའོ་
D44.037.0148b05.01སྙམ་སྟེ། བརྩོན་འགྲུས་རྩོམ་པ་དང་། སངས་རྒྱས་ཐམས་ཅད་ལ་མཆོད་པ་བྱའོ་སྙམ་སྟེ། བརྩོན་འགྲུས་རྩོམ་པ་དང་། དེ་བཞིན་གཤེགས་པ་ཐམས་ཅད་མཉེས་པར་བྱའོ་སྙམ་སྟེ། བརྩོན་འགྲུས་རྩོམ་པའོ། །ཀྱེ་རྒྱལ་བའི་སྲས་
D44.037.0148b06.01བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བརྩོན་འགྲུས་རྩོམ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བླ་ན་མེད་པ་ཡང་དག་པར་རྫོགས་པ་འཐོབ་པར་འགྱུར་བ་དག་གོ །ཀྱེ་
D44.037.0148b07.01