完整藏文原文 · 德格版页 当前仅加载第 37 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའི་ཡོན་ཏན་གྱིས་ཡོངས་སུ་བརྒྱན་པར་བྱིན་གྱིས་བརླབ་ཅིང་ཡོངས་སུ་བསྟན་པར་མོས་པ་ལ་འཇུག་པ་དང་། སེམས་ཅན་གྱི་ཁམས་ཐམས་ཅད་དེ་བཞིན་གཤེགས་པའི་སྐུ་གཟུགས་དང་། མཚན་དང་དཔེ་བྱད་བཟང་པོ་དང་། གཟུགས་
D44.037.0217a01.01ཀྱི་སྐུ་སྣ་ཚོགས་ཀྱི་སྤྱོད་ལམ་དང་། ཚུལ་དང་སྤྱོད་པ་ཡོངས་སུ་བསྟན་ཅིང་གཞན་གྱིས་རིག་པར་བྱ་བར་མོས་པ་ལ་འཇུག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་གྱི་ཁམས་སུ་མོས་པ་ལ་འཇུག་པ་སྟེ།
D44.037.0217a02.01དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་དགྱེས་པ་དང་། ཁྱུ་མཆོག་གི་མཐུ་ཕྱུང་བ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བག་ཆགས་ཏེ། བཅུ་
D44.037.0217a03.01གང་ཞེ་ན་འདི་ལྟར་བྱང་ཆུབ་ཀྱི་སེམས་ཀྱི་བག་ཆགས་དང་། དགེ་བའི་རྩ་བའི་བག་ཆགས་དང་། སེམས་ཅན་ཡོངས་སུ་སྨིན་པར་བྱ་བའི་བག་ཆགས་དང་། སངས་རྒྱས་བལྟ་བའི་བག་ཆགས་དང་། འཇིག་རྟེན་གྱི་ཁམས་ཡོངས་སུ་དག་པར་སྐྱེ་བའི་བག་ཆགས་
D44.037.0217a04.01དང་། སྤྱོད་པའི་བག་ཆགས་དང་། སྨོན་ལམ་གྱི་བག་ཆགས་དང་། ཕ་རོལ་ཏུ་ཕྱིན་པའི་བག་ཆགས་དང་། ཆོས་མཉམ་པ་ཉིད་ངེས་པར་རྟོགས་པའི་བག་ཆགས་དང་། སྤྱོད་པ་རྣམ་པ་ཐ་དད་པའི་བག་ཆགས་སོ། །ཀྱེ་རྒྱལ་བའི་སྲས་བཅུ་པོ་
D44.037.0217a05.01དེ་དག་ནི་བྱང་ཆུབ་སེམས་དཔའ་རྣམས་ཀྱི་བག་ཆགས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཉོན་མོངས་པའི་བག་ཆགས་མ་ལུས་པ་སྤངས་ནས། དེ་བཞིན་གཤེགས་པའི་ཡེ་ཤེས་ཆེན་པོའི་བག་ཆགས་ཐུགས་སུ་ཆུད་པ་བླ་ན་མེད་པ་
D44.037.0217a06.01འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཉེ་བར་ལེན་པ་སྟེ། ཉེ་བར་ལེན་པ་དེ་དག་གིས་བྱང་ཆུབ་སེམས་དཔའི་སྤྱོད་པ་རྒྱུན་མི་གཅོད་པའོ། །བཅུ་གང་ཞེ་ན་འདི་ལྟར་ཡོངས་སུ་སྨིན་པའི་མཐར་ཕྱིན་
D44.037.0217a07.01