完整藏文原文 · 德格版页 当前仅加载第 37 函德格 368b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་སེམས་ཅན་གཞན་གང་འདི་ན་གནས་པ་དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ། ཕྱིར་མི་ལྡོག་པའི་དགེ་འདུན་དུ་གཏོགས་པ་ཤ་སྟག་སྟེ། ཁོ་མོ་དང་སྤྱོད་པའི་སྐལ་བ་མཉམ་པ་དག་གོ །སྨྲས་པ་ལས་
D44.037.0368b01.01འཕགས་མ་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡུན་ཇི་སྲིད་ཅི་གནས་ཐུགས་བསྐྱེད། སྨྲས་པ་རིགས་ཀྱི་བུ་ཁོ་མོ་ནི་སྔོན་གྱི་གནས་རྗེས་སུ་དྲན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D44.037.0368b02.01སངས་རྒྱས་མར་མེ་མཛད་ཅེས་བྱ་བ་བྱུང་བ་དེ་བཞིན་གཤེགས་པ་དེའི་དྲུང་དུ་ཁོ་མོས་ཚངས་པའི་སྤྱོད་པ་སྤྱད་དོ། །དེ་བཞིན་གཤེགས་པ་དེ་ཁོ་མོས་མཆོད་དོ། །དེ་བཞིན་གཤེགས་པ་དེ་ལས་ཆོས་བསྟན་པ་ཁོ་མོས་ཡོངས་སུ་བཟུང་ངོ་། །དེའི་
D44.037.0368b03.01སྔ་རོལ་དུ་དེ་བཞིན་གཤེགས་པ་དྲི་མ་མེད་པ་ཞེས་བྱ་བ་བྱུང་སྟེ། དེའི་བསྟན་པ་ལའང་ཁོ་མོ་རབ་ཏུ་བྱུང་ངོ་། །ཆོས་ཀྱི་འཁོར་ལོ་ཡང་ཁོ་མོས་བཟུང་ངོ་། །དེའི་སྔ་རོལ་དུ་དེ་བཞིན་གཤེགས་པ་དཔལ་ཞེས་བྱ་བ་བྱུང་སྟེ། དེ་ཡང་ཁོ་མོས་བསྙེན་
D44.037.0368b04.01བཀུར་ཏོ། །དེའི་སྔ་རོལ་ཏུ་དེ་བཞིན་གཤེགས་པ་རི་རབ་དཔལ་ཞེས་བྱ་བ་བྱུང་ངོ་། །དེའི་སྔ་རོལ་ཏུ་དེ་བཞིན་གཤེགས་པ་པད་མོའི་སྙིང་པོ་ཞེས་བྱ་བ་བྱུང་ངོ་། །དེའི་སྔ་རོལ་ཏུ་དེ་བཞིན་གཤེགས་པ་རྣམ་པར་སྣང་མཛད་ཅེས་བྱ་བ་བྱུང་ངོ་། །
D44.037.0368b05.01དེའི་སྔ་རོལ་ཏུ་དེ་བཞིན་གཤེགས་པ་ཀུན་ཏུ་གཟིགས་པ་ཞེས་བྱ་བ་བྱུང་ངོ་། །དེའི་སྔ་རོལ་ཏུ་དེ་བཞིན་གཤེགས་པ་ཚངས་པ་དག་པ་ཞེས་བྱ་བ་བྱུང་ངོ་། །དེའི་སྔ་རོལ་ཏུ་དེ་བཞིན་གཤེགས་པ་རྡོ་རྗེའི་གཙུག་ཅེས་བྱ་བ་བྱུང་ངོ་། །དེའི་ཀུན་སྔ་
D44.037.0368b06.01རོལ་ཏུ་དེ་བཞིན་གཤེགས་པ་ཆུ་བོའི་ལྷ་ཞེས་བྱ་བ་བྱུང་སྟེ། རིགས་ཀྱི་བུ་གཞུང་དེ་ལྟར་ཚེ་གཅིག་ནས་གཅིག་ཏུ་བརྒྱུད་པ་དང་། བསྐལ་པ་གཅིག་ནས་གཅིག་ཏུ་བརྒྱུད་པའི་སངས་རྒྱས་གཅིག་ནས་གཅིག་ཏུ་བརྒྱུད་པ། དེ་བཞིན་གཤེགས་
D44.037.0368b07.01