完整藏文原文 · 德格版页 当前仅加载第 37 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་མཁས་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལམ་གྱི་རྒྱན་ཏེ་བཅུ་གང་ཞེ་ན། ཀྱེ་རྒྱལ་བའི་སྲས། འདི་ལ་བྱང་ཆུབ་སེམས་དཔའ་འདོད་པའི་ཁམས་
D44.037.0224a01.01ནས་ཀྱང་མི་གཡོ་ལ། གཟུགས་དང་གཟུགས་མེད་པ་ལ་སྤྱོད་པའི་བསམ་གཏན་དང་། རྣམ་པར་ཐར་པ་དང་ཏིང་ངེ་འཛིན་དང་སྙོམས་པར་འཇུག་པ་ལ་སྙོམས་པར་འཇུག་ཀྱང་། དེ་དག་གི་དབང་གིས་མི་སྐྱེ་བ་འདི་ནི་ལམ་གྱི་རྒྱན་དང་པོའོ། །ཀྱེ་རྒྱལ་བའི་སྲས་
D44.037.0224a02.01གཞན་ཡང་བྱང་ཆུབ་སེམས་དཔའ་ཉན་ཐོས་ཀྱི་ལམ་མངོན་སུམ་དུ་གྱུར་པའི་ཡེ་ཤེས་ལ་ཞུགས་ཀྱང་ལམ་དེས་འབྱུང་བ་འང་མ་ཡིན་པ་འདི་ནི་ལམ་གྱི་རྒྱན་གཉིས་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་རང་སངས་རྒྱས་ཀྱི་ལམ་ལ་མངོན་སུམ་དུ་
D44.037.0224a03.01གྱུར་པའི་ཡེ་ཤེས་སྣང་བ་ལ་མཁས་ཀྱང་སྙིང་རྗེ་ཆེན་པོའི་སྟོབས་རྒྱུན་མི་གཅོད་པ་འདི་ནི་ལམ་གྱི་རྒྱན་གསུམ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་གཡོག་འཁོར་མང་པོ་དང་ལྡན་ཞིང་གཡོག་འཁོར་ལྷ་དང་མིའི་རྣམ་པར་དག་པ་དང་ལྡན་ཞིང་།
D44.037.0224a04.01ལྷའི་བུ་མོ་བརྒྱ་སྟོང་གིས་རོལ་མོ་བརྡུང་བ་དང་དཀྲོལ་བའི་སྒྲ་ཕྱུང་སྟེ་བརྗོད་པ་ལ་སྤྱོད་ཀྱང་བྱང་ཆུབ་སེམས་དཔའི་ལམ་དང་ལྡན་པའི་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་འཇུག་པ་མི་འདོར་བ་འདི་ནི་ལམ་གྱི་རྒྱན་བཞི་པའོ། །
D44.037.0224a05.01ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འགྲོ་བ་ཐམས་ཅད་ཀྱི་རྩེ་རྒལ་དཀའ་དགོད་པ་དང་། སེམས་ཅན་དང་འདྲེས་ཤིང་འབུར་ལྡོག་པ་བྱེད་ཀྱང་སེམས་ཀྱི་སྐད་ཅིག་གཅིག་ལ་ཡང་བྱང་ཆུབ་སེམས་དཔའི་ཏིང་ངེ་འཛིན་མཉམ་པ་ཉིད་མི་འདོར་བ་འདི་ནི་ལམ་གྱི་
D44.037.0224a06.01རྒྱན་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འཇིག་རྟེན་གྱི་ཆོས་ཐམས་ཅད་དང་མ་འདྲེས་ཤིང་འཇིག་རྟེན་གྱི་ཕ་རོལ་ཏུ་ཕྱིན་པ་ཡིན་ཡང་། སེམས་ཅན་བསྒྲལ་བའི་ཕྱིར་ཕ་རོལ་ཏུ་མི་འགྲོ་བའི་ལམ་ཡང་མི་གཏོང་བ་འདི་ནི་ལམ་གྱི་རྒྱན་དྲུག་
D44.037.0224a07.01