完整藏文原文 · 德格版页 当前仅加载第 37 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
སྲས་གཞན་ཡང་བྱང་ཆུབ་སེམས་དཔའ་ཉོན་མོངས་པ་རྣམ་པར་བཟློག་པ་ཡང་རབ་ཏུ་ཤེས། ཉོན་མོངས་པའི་རྒྱུན་གཅད་པ་ཡང་རབ་ཏུ་ཤེས། ཉོན་མོངས་པ་རྣམ་པར་གཞིལ་བ་ཡང་རབ་ཏུ་ཤེས་ཏེ། ཉོན་མོངས་པ་སྤོང་བ་ལ་ཤིན་ཏུ་
D44.037.0187a01.01གནས་ཀྱང་བྱང་ཆུབ་སེམས་དཔའི་སྤྱོད་པ་ལས་ཡང་དག་པའི་མཐའ་མངོན་ཏུ་མི་བྱེད་ཅིང་ཡང་དག་པའི་མཐའ་ལའང་ཕ་རོལ་ཏུ་ཕྱིན་པའི་མཆོག་ཀྱང་ཐོབ་ལ་ཐབས་མཁས་པའི་བསླབ་པ་ལ་ཤིན་ཏུ་བྱང་བས། སྔོན་གྱི་སྨོན་ལམ་ཡོངས་སུ་བསྐང་བའི་སྤྱོད་པ་དེ་
D44.037.0187a02.01ཡོངས་སུ་རྫོགས་པར་བྱེད་ཀྱང་ལུས་དུབ་པར་མི་འགྱུར་བ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་འགྲོ་
D44.037.0187a03.01བ་ཐམས་ཅད་སེམས་ཀྱིས་བརྟགས་པ་ཡུལ་ན་མི་གནས་པ་ཕྱོགས་ན་མི་གནས་པར་ཤེས་ཤིང་འཇུག་ལ་ཡུལ་དང་གནས་ཀྱང་སྟོན་ཏེ། རྟོག་པ་དང་མངོན་པར་འདུ་བྱེད་པའང་མེད་ལ་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བའི་
D44.037.0187a04.01ཕྱིར་མངོན་པར་འདུ་བྱ་བའི་ས་ལ་ཡང་སྤྱོད་པ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་
D44.037.0187a05.01ཆོས་ཐམས་ཅད་རང་བཞིན་མེད་པ་དང་། སྣ་ཚོགས་མ་ཡིན་པ་དང་། རྣམ་པ་ཐ་དད་པ་མེད་པ་དང་། བགྲང་བ་མེད་པ་དང་། མཚུངས་པ་མེད་པ་དང་། ཁ་དོག་མེད་པ་དང་། མཚན་ཉིད་མེད་པས་རང་བཞིན་གཅིག་པ་རབ་ཏུ་ཤེས་ཏེ། གཅིག་
D44.037.0187a06.01ཏུ་ཡང་མི་དམིགས་ལ་མང་པོའི་རང་བཞིན་དུ་ཡང་ཡོད་པ་མ་ཡིན་པར་རབ་ཏུ་ཤེས་ཏེ། བྱང་ཆུབ་སེམས་དཔས་ཆོས་འདི་དག་ནི་སངས་རྒྱས་ཀྱི་ཆོས་སོ། །འདི་དག་ནི་བྱང་ཆུབ་སེམས་དཔའི་ཆོས་སོ། །འདི་དག་ནི་རང་སངས་རྒྱས་ཀྱི་ཆོས་སོ། །
D44.037.0187a07.01