完整藏文原文 · 德格版页 当前仅加载第 37 函德格 361a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་པ་ལ་རྣམ་པར་སྤྱོད་ཅིང་། ཆོས་ཐམས་ཅད་ཡོངས་སུ་ཚོལ་བ་དང་ལྡན་པའི་ལུས་ཡོངས་སུ་བཟུང་བ་མཐོང་སྟེ། ལུས་གང་གིས་ཆོས་ཀྱི་ཚིག་གཅིག་གི་དོན་དུ་ཡང་བ་དོག་པ་ཐམས་ཅད་ཡོངས་
D44.037.0361a01.01སུ་བཏང་སྟེ། སེམས་ཅན་ཐམས་ཅད་ལས་ཡོངས་སུ་བཙལ་བ་དང་རིམ་གྲོ་དང་། བཀུར་སྟི་ཐམས་ཅད་ཀྱིས་དགེ་བའི་བཤེས་གཉེན་ཐམས་ཅད་ལས་ཡོངས་སུ་བཙལ་བ་དང་། དད་པ་དང་སྲི་ཞུས་ལུས་རབ་ཏུ་བཏུད་དེ། དེ་བཞིན་གཤེགས་པ་རྣམས་
D44.037.0361a02.01ལས་ཡོངས་སུ་བཙལ་བ་དང་། ཆོས་ཀྱི་ཚིག་གཅིག་ལ་ཇི་ལྟ་བ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཆོས་ཀྱི་ཚིག་ཐམས་ཅད་ལའང་དེ་བཞིན་ཏེ། འགྲོ་བ་ཐམས་ཅད་དུ་གཟུགས་བརྙན་བྱུང་བའི་ལུས་ཐམས་ཅད་ཀྱི་ཡོངས་སུ་བཙལ་བ་དེ་དག་
D44.037.0361a03.01ཐམས་ཅད་ཀྱང་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བ་སྤུའི་སྒོ་གཅིག་གི་འོད་ཟེར་གྱི་དྲ་བ་དང་དཀྱིལ་འཁོར་ལས་མཐོང་ངོ་། །བ་སྤུའི་སྒོའི་འོད་ཟེར་གྱི་དྲ་བ་དང་། དཀྱིལ་འཁོར་ལ་ལ་ལས་ནི་བྱང་ཆུབ་སེམས་དཔའ་ཐམས་ཅད་ཀྱི་སེམས་ཅན་ཡོངས་སུ་སྨིན་
D44.037.0361a04.01པར་བྱ་བའི་ཐབས་འགྲོ་བའི་རྒྱུད་རྒྱ་མཚོ་ཐམས་ཅད་དུ་འབྱམ་ཀླས་པ། སེམས་ཅན་ཐམས་ཅད་ཡོངས་སུ་བསྡུ་བའི་སྦྱོར་བར་མཐོང་ངོ་། །སེམས་ཅན་རེ་རེ་ལ་ཡང་ལུས་དང་སྤྱོད་པའི་ཚུལ་གྱི་སྒོ། སྔོན་གྱི་ལུས་ཉེ་བར་བླངས་པ་ཐབས་མཁས་
D44.037.0361a05.01པའི་སྤྱོད་པ་ལ་བརྩོན་པ། སེམས་ཅན་ཐམས་ཅད་ཀྱི་ལུས་དང་འདྲ་བས་ཡོངས་སུ་སྡུད་པ་ཡང་བ་སྤུའི་སྒོའི་འོད་ཟེར་གྱི་དྲ་བའི་དཀྱིལ་འཁོར་གཅིག་ལས་མཐོང་ངོ་། །བ་སྤུའི་སྒོའི་འོད་ཟེར་གྱི་དྲ་བའི་དཀྱིལ་འཁོར་ལ་ལ་ལས་ནི་སྔོན་བཅོམ་ལྡན་འདས་ཀྱི་
D44.037.0361a06.01བསྐལ་པ་ཐམས་ཅད་ཀྱི་སྨོན་ལམ་མངོན་པར་བསྒྲུབས་པའི་སྤྱོད་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་སྨོན་ལམ་མངོན་པར་བསྒྲུབས་པའི་སྤྱོད་པ་དང་། ཞིང་ཐམས་ཅད་ཡོངས་སུ་དག་པར་བྱ་བའི་སྨོན་ལམ་མངོན་པར་བསྒྲུབས་པ་མཛད་
D44.037.0361a07.01