完整藏文原文 · 德格版页 当前仅加载第 37 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་པའི་རྣམ་པར་འཕྲུལ་བ་དང་སེམས་ཅན་ཇི་ལྟར་སྨིན་པ་རང་རང་གི་བསམ་པ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱ་བའི་རྣམ་པར་འཕྲུལ་པ་དང་། བསྐལ་པ་འགྲངས་པ་མུ་མེད་པ་ཐམས་ཅད་དུ་སྨོན་
D44.037.0199a01.01ལམ་རྒྱུན་མི་གཅོད་པའི་རྣམ་པར་འཕྲུལ་པ་དང་། རྣམ་པར་ཤེས་པའི་ལུས་ལས་གྱེན་དུ་བསྐྱོད་དེ། ཡེ་ཤེས་ཀྱི་ལུས་ལ་ཡང་མི་གནས་པའི་སྨོན་ལམ་ལ་དབང་བསྒྱུར་བས་ལུས་ཐམས་ཅད་ཡོངས་སུ་སྟོན་པའི་རྣམ་པར་འཕྲུལ་པ་དང་། རང་གི་ལུས་ཚད་དུ་གྱུར་བས་ཕ་རོལ་གྱི་ཚོ་
D44.037.0199a02.01ཀྱི་སྨོན་ལམ་ཐམས་ཅད་ཡོངས་སུ་རྫོགས་པར་བྱ་བའི་རྣམ་པར་འཕྲུལ་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་སྨོན་ལམ་ལས་ཕྱིར་མི་ལྡོག་པའི་རྣམ་པར་འཕྲུལ་པ་དང་། བསྐལ་པ་འགྲངས་པ་ཐམས་ཅད་བྱང་ཆུབ་ཀྱི་སྤྱོད་པས་རྒྱས་པར་དགང་བའི་
D44.037.0199a03.01སྨོན་ལམ་རྒྱུན་མི་འཆད་པའི་རྣམ་པར་འཕྲུལ་པ་དང་། སྐྲའི་སྦུབས་གཅིག་ཏུ་མངོན་པར་འཚང་རྒྱ་བའི་སྨོན་ལམ་གྱི་སྟོབས་ཀྱིས་སངས་རྒྱས་ཀྱི་ཞིང་ཐམས་ཅད་དུ་རྒྱས་པར་དགང་ཞིང་འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ་སེམས་ཅན་གཅིག་ཏུ་
D44.037.0199a04.01སྟོན་པའི་སྨོན་ལམ་ལ་རྣམ་པར་འཕྲུལ་པ་དང་། ཆོས་ཀྱི་ཚིག་གཅིག་བརྗོད་པས་ཆོས་ཀྱི་དབྱིངས་མ་ལུས་པ་ཐམས་ཅད་རྒྱས་པར་བཀང་སྟེ། ཆོས་ཀྱི་སྤྲིན་ཆེན་པོ་འབྱུང་བ་ལས། ཆོས་བདུད་རྩིའི་ཆར་རབ་ཏུ་འབབ་ཅིང་རིག་པ་དང་། རྣམ་པར་གྲོལ་པའི་གློག་
D44.037.0199a05.01སྣང་བ་དང་ཡང་དག་པ་དེ་ཁོ་ན་ཉིད་ཀྱི་ཆོས་ཀྱི་འབྲུག་སྒྲ་མངོན་པར་འབྱུང་བས་སེམས་ཅན་གྱི་ཁམས་ཐམས་ཅད་ཡོངས་སུ་ངོམས་པར་བྱ་བའི་སྨོན་ལམ་ཆེན་པོ་ཡོངས་སུ་རྫོགས་པར་བྱ་བས། རྣམ་པར་རྩེ་བའི་རྣམ་པར་འཕྲུལ་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་
D44.037.0199a06.01བྱང་ཆུབ་སེམས་དཔའ་རྣམས་ཀྱི་སྨོན་ལམ་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་ལ་རྣམ་པར་འཕྲུལ་པ་སྟེ། བཅུ་གང་ཞེ་ན། འདི་ལྟར་ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཆོས་ཀྱི་
D44.037.0199a07.01