完整藏文原文 · 德格版页 当前仅加载第 37 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འབྱེད་པ་ཞེས་བྱ་བའི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་རྣམ་པར་འབྱེད་དོ། །ཀྱེ་རྒྱལ་བའི་སྲས་དག་དེ་བཞིན་གཤེགས་པ་ཡང་དག་པར་འབྱུང་བ་ལ་ཡང་རབ་ཏུ་ཞི་
D44.037.0083a01.01བར་བྱེད་པ་ཞེས་བྱ་བ་དེ་བཞིན་གཤེགས་པའི་རྒྱུ་མཐུན་པའི་ཆོས་ཀྱི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་སེམས་ཅན་ཐམས་ཅད་ཀྱི་ཉོན་མོངས་པ་འབར་བ་ཐམས་ཅད་རབ་ཏུ་ཞི་བར་བྱེད་དོ། །འབྱུང་བར་བྱེད་པ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་འབབ་
D44.037.0083a02.01པ་ཡོད་དེ། དེ་ནི་སེམས་ཅན་ཐམས་ཅད་ཀྱི་དགེ་བའི་རྩ་བའི་ཚོགས་ཐམས་ཅད་ཡང་དག་པར་འབྱུང་བར་བྱེད་དོ། །ཡོངས་སུ་གཅོད་པ་ཞེས་བྱ་བ་ཆོས་ཀྱི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་སེམས་ཅན་ཐམས་ཅད་ཀྱི་ཉོན་མོངས་པ་དང་ལྟ་བའི་
D44.037.0083a03.01རྣམ་པ་ཐམས་ཅད་ཡོངས་སུ་གཅོད་དོ། །ཡོངས་སུ་སྒྲུབ་པ་ཞེས་བྱ་བ་ཆོས་ཀྱི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་ཐམས་ཅད་མཁྱེན་པའི་ཆོས་རིན་པོ་ཆེ་ཡོངས་སུ་གྲུབ་པར་བྱེད་དོ། །རྣམ་པར་འབྱེད་པ་ཞེས་བྱ་བ་ཆོས་ཀྱི་སྤྲིན་ཆེན་པོའི་ཆར་
D44.037.0083a04.01འབབ་པ་ཡོད་དེ། དེ་ནི་སེམས་ཅན་ཐམས་ཅད་ཀྱི་སེམས་དང་བསམ་པ་རྣམ་པར་འབྱེད་དོ། །ཀྱེ་རྒྱལ་བའི་སྲས་དག་ཁོང་དུ་ཆུད་པར་བྱ་བའི་སྒོ་ལྔ་པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་
D44.037.0083a05.01ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེ་བ་འབྱུང་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དག་འདི་ལྟ་སྟེ་དཔེར་ན། ཆར་སྤྲིན་ཆེན་པོ་ཡང་རོ་གཅིག་ལ་ཆུའི་ཕུང་པོ་ཡང་རྣམ་པར་མི་རྟོག་མོད་ཀྱི་དེ་ལྟར་རྣམ་པ་ཚད་མེད་པར་ཐ་དད་པའི་ཆར་རྣམ་
D44.037.0083a06.01པར་ཕྱེ་བ་འབབ་བོ། །ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པའི་ཐུགས་རྗེ་ཆེན་པོའི་ཆར་སྤྲིན་རོ་གཅིག་པ་ལས། དེ་ལྟར་ཚད་མེད་ཅིང་རྣམ་པ་ཐ་དད་པའི་ཆོས་ཀྱི་ཆར་སྣ་ཚོགས་འབབ་སྟེ། དེ་བཞིན་གཤེགས་པ་ཡང་ཡོངས་སུ་འབྱུང་ངོ་། །ཆོས་
D44.037.0083a07.01