完整藏文原文 · 德格版页 当前仅加载第 37 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་དྲི་ཚོར་བ་དེ་དག་གི་སྣ་རྣམ་པར་དག་པར་འགྱུར་རོ། །གང་གིས་མྱོངས་པ་དེ་དག་གི་ལྕེ་རྣམ་པར་དག་པར་འགྱུར་རོ། །གང་གིས་རེག་པ་དེ་དག་གི་ལུས་རྣམ་པར་དག་པར་འགྱུར་རོ། །གང་གིས་དེ་འཁོར་གྱི་ས་ཕྱོགས་སུ་ཕྱིན་པ་དེ་དག་གི་ནད་ཀྱང་
D44.037.0136a01.01ཡོངས་སུ་ཞི་བར་འགྱུར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་རྒྱལ་པོ་ཆེན་པོ་བླ་ན་མེད་པ་ཡང་སེམས་ཅན་ཐམས་ཅད་རྣམ་པ་ཐམས་ཅད་དུ་ཉེ་བར་འཚོ་བ་ཡིན་ཏེ། སེམས་ཅན་གང་གིས་དེ་བཞིན་
D44.037.0136a02.01གཤེགས་པའི་གཟུགས་ཀྱི་སྐུ་མཐོང་བར་གྱུར་པ་དེ་དག་ལ་མཐོང་བའི་དགེ་བའི་རྩ་བ་དེ་ནི་ལྷའི་མིག་ཡོངས་སུ་དག་པར་འགྱུར་བའི་རྒྱུར་འགྱུར་རོ། །སེམས་ཅན་གང་གིས་དེ་བཞིན་གཤེགས་པའི་མཚན་ཐོས་པ་དེ་དག་ལ་རྣ་བ་ཡོངས་སུ་དག་པའི་རྒྱུར་འགྱུར་རོ། །སེམས་ཅན་གང་གིས་
D44.037.0136a03.01དེ་བཞིན་གཤེགས་པའི་ཚུལ་ཁྲིམས་ཀྱི་དྲི་ཚོར་བ་དེ་དག་ལ་ལྷའི་སྣ་ཡོངས་སུ་དག་པའི་རྒྱུར་འགྱུར་རོ། །སེམས་ཅན་གང་གིས་དེ་བཞིན་གཤེགས་པའི་ཆོས་ཀྱི་རོ་མྱོང་བ་དེ་དག་ལ་ཚིག་གི་ཚུལ་ཐམས་ཅད་ཤེས་པའི་ལྕེའི་དབང་པོ་ཡངས་པ་རྣམ་པར་དག་པའི་རྒྱུར་འགྱུར་རོ། །
D44.037.0136a04.01སེམས་ཅན་གང་ལ་དེ་བཞིན་གཤེགས་པའི་འོད་ཀྱིས་ཕོག་པར་གྱུར་པ་དེ་དག་ལ་ཆོས་ཀྱི་སྐུ་ཤིན་ཏུ་ཆེ་བ་ཡོངས་སུ་དག་པའི་རྒྱུར་འགྱུར་རོ། །སེམས་ཅན་གང་གིས་དེ་བཞིན་གཤེགས་པ་རྗེས་སུ་དྲན་པ་དེ་དག་ལ་དེ་བཞིན་གཤེགས་པ་དྲན་པ་རྩེ་གཅིག་ཡོངས་སུ་དག་པས་
D44.037.0136a05.01ཡང་དག་པར་རྫོགས་པའི་སངས་རྒྱས་མཐོང་བའི་རྒྱུར་འགྱུར་རོ། །སེམས་ཅན་གང་གིས་དེ་བཞིན་གཤེགས་པ་བཞུགས་བཞུགས་པའི་ས་ཕྱོགས་སམ། དེ་བཞིན་གཤེགས་པའི་མཆོད་རྟེན་ལ་མཆོད་པ་བྱས་ན་དེ་དག་གི་དགེ་བའི་རྩ་བ་དེ་ཡང་ཉོན་མོངས་པའི་ནད་ཐམས་ཅད་
D44.037.0136a06.01ཞི་ཞིང་འཕགས་པའི་བདེ་བ་ཐོབ་པའི་རྒྱུར་འགྱུར་རོ། །ཀྱེ་རྒྱལ་བའི་སྲས་ཁྱོད་ཀྱིས་ཡིད་ཆེས་པ་དང་ཁོང་དུ་ཆུད་པར་བྱ་ན། སེམས་ཅན་ལ་ལ་ཞིག་གིས་དེ་བཞིན་གཤེགས་པ་མཐོང་ངམ་ཐོས་ཀྱང་ལས་ཀྱི་སྒྲིབ་པས་ཀུན་ནས་འཁོར་བའི་ཕྱིར། དེ་བཞིན་གཤེགས་
D44.037.0136a07.01