完整藏文原文 · 德格版页 当前仅加载第 37 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ལ་འབྱུང་བའི་ལམ་སྟེ། དེ་དག་གིས་བྱུང་བའི་བྱང་ཆུབ་སེམས་དཔའ་རྣམས་ཀྱི་སྐྱེས་བུ་དམ་པའི་མིང་བཅུ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་
D44.037.0220a01.01དག་ནི་བྱང་ཆུབ་སེམས་དཔའ་རྣམས་ཀྱི་སྐྱེས་བུ་དམ་པའི་མིང་འཐོབ་པ་སྟེ། བཅུ་གང་ཞེ་ན། འདི་ལྟར་བྱང་ཆུབ་ཀྱི་ཡེ་ཤེས་ཀྱི་ལུས་དང་ལྡན་པས་བྱང་ཆུབ་སེམས་དཔའ་ཞེས་བྱ་བ་ཡིན། ཐེག་པ་ཆེན་པོ་ལ་རབ་ཏུ་གནས་པའི་ཕྱིར་སེམས་དཔའ་ཆེན་པོ་ཞེས་བྱ་བ་ཡིན།
D44.037.0220a02.01ཆོས་ཀྱི་དམ་པ་མངོན་པར་རྟོགས་པས་དམ་པའི་སེམས་དཔའ་ཞེས་བྱ་བ་ཡིན། མཆོག་གི་ཆོས་མངོན་པར་འཚང་རྒྱ་བས་མཆོག་གི་སེམས་དཔའ་ཞེས་བྱ་བ་ཡིན། ཡེ་ཤེས་ཀྱི་ཁྱད་པར་རབ་དང་ལྡན་པས་རབ་ཀྱི་སེམས་དཔའ་ཞེས་བྱ་བ་ཡིན། ཕུལ་དུ་བརྩོན་
D44.037.0220a03.01འགྲུས་རྩོམ་པས་ཕུལ་གྱི་སེམས་དཔའ་ཞེས་བྱ་བ་ཡིན། གོང་ན་མེད་པའི་ཆོས་ཡང་དག་པར་སྟོན་པས་བླ་ན་མེད་པའི་སེམས་དཔའ་ཞེས་བྱ་བ་ཡིན། སྟོབས་བཅུའི་ཡེ་ཤེས་ཡངས་པ་དང་ལྡན་པས་སྟོབས་ཀྱི་སེམས་དཔའ་ཞེས་བྱ་བ་ཡིན། འགྲོ་བ་
D44.037.0220a04.01ཐམས་ཅད་ན་དཔེ་མེད་པས་མི་མཉམ་མི་འདྲ་བའི་སེམས་དཔའ་ཞེས་བྱ་བ་ཡིན། ནམ་འདོད་པའི་སེམས་ཀྱི་སྐད་ཅིག་ལ་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བས་བསམ་གྱིས་མི་ཁྱབ་པའི་སེམས་དཔའ་ཞེས་བྱ་བ་ཡིན། ཀྱེ་རྒྱལ་བའི་སྲས་
D44.037.0220a05.01བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྐྱེས་བུ་དམ་པའི་མིང་འཐོབ་པ་རྣམས་སོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལམ་སྟེ། བཅུ་གང་ཞེ་ན་འདི་ལྟར་གཅིག་པུ་གྲོགས་མེད་པར་བྱང་ཆུབ་ཀྱི་སེམས་མི་གཏོང་
D44.037.0220a06.01བས་བྱང་ཆུབ་སེམས་དཔའ་རྣམས་ཀྱི་ལམ་གཅིག་ལ་རྟེན་པ་དང་། ཐབས་དང་ཤེས་རབ་ཀྱིས་མངོན་པར་བསྒྲུབ་པས། བྱང་ཆུབ་སེམས་དཔའ་རྣམས་ཀྱི་ལམ་ཡན་ལག་གཉིས་པ་དང་། སྟོང་བ་ཉིད་ཀྱི་སྦྱོར་བ་དང་། མཚན་མ་མེད་པའི་མཐའི་རྩེ་
D44.037.0220a07.01