完整藏文原文 · 德格版页 当前仅加载第 37 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི། ཆོས་ཀྱི་དབྱིངས་ལ་འཕེལ་ཞིང་འགྲིབ་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་ཡེ་ཤེས་ལ་བརྟེན་ཅིང་། འཇིག་རྟེན་དང་འཇིག་རྟེན་ལས་འདས་པའི་ཤེས་པ་བགྲངས་པ་ཐམས་ཅད་ཀྱང་།
D44.037.0111a01.01རྣམ་པར་དགོད་ཅིང་ལས་དང་བཟོའི་གནས་ཐམས་ཅད་རྣམ་པར་དགོད་ཀྱང་དེ་བཞིན་གཤེགས་པའི་ཡེ་ཤེས་ལ་འཕེལ་ཞིང་འགྲིབ་པ་མེད་དོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་གཉིས་པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་
D44.037.0111a02.01ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། གླིང་ཆེན་པོ་བཞི་དང་། གླིང་ཕྲན་བྱེ་བ་བརྒྱ་ཕྲག་བརྒྱད་ཅུ་དག་ནི་
D44.037.0111a03.01རྒྱ་མཚོ་ཆེན་པོས་མངོན་པར་སྤངས་པའི་ཕྱིར་གང་དང་གང་དུ་སའི་ཁམས་བཤོང་བ་དེ་དང་དེ་ནས་ཆུ་འབྱུང་སྟེ། རྒྱ་མཚོ་ཆེན་པོ་ལ་རྣམ་པར་རྟོག་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་སེམས་ཅན་ཐམས་ཅད་ཀྱི་སེམས་དང་བསམ་པ་ཡང་དེ་བཞིན་
D44.037.0111a04.01གཤེགས་པའི་ཡེ་ཤེས་ཀྱིས་མངོན་པར་བརླན་པས། དེ་དག་དམིགས་པ་གང་དང་། གང་ལ་རྣམ་པར་དཔྱོད་ཅིང་ཆོས་ཀྱི་སྒོ་གང་དང་གང་ལ་བརྩོན་པར་བྱེད་པ། དེ་དང་དེ་ནས་ཡེ་ཤེས་ཀྱི་སྣང་བ་འབྱུང་སྟེ། དེ་བཞིན་གཤེགས་པའི་ཡེ་ཤེས་རྒྱ་མཚོ་
D44.037.0111a05.01ཆེན་པོ་དེ་ནི་སྙོམས་ཤིང་རྣམ་པར་མི་རྟོག་ལ་རིམ་པར་འབྱེད་པ་མི་མཛད་ཀྱང་། བསམ་པ་དང་སྦྱོར་བའི་ཁྱད་པར་གྱིས་དེ་བཞིན་གཤེགས་པའི་ཡེ་ཤེས་སྣང་བའི་ཁྱད་པར་དུ་འགྱུར་བ་ཡང་ཡོད་དོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་གསུམ་
D44.037.0111a06.01པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རྒྱ་
D44.037.0111a07.01