完整藏文原文 · 德格版页 当前仅加载第 37 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཞིང་གི་རང་བཞིན་དང་། །ཆོས་དང་དེ་བཞིན་སེམས་ཅན་དབང་པོ་བསམ་པ་དག །ཐམས་ཅད་རང་བཞིན་སྐུ་ལ་མཉམ་པ་ཉིད་དུ་གཟིགས། །དེ་བས་བྱང་ཆུབ་གནས་ནི་ཚད་མེད་ཤེས་པར་གྱིས། །དེ་སྐད་
D44.037.0129a01.01ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་
D44.037.0129a02.01སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཆོས་ཀྱི་འཁོར་ལོ་བསྐོར་བ་ཇི་ལྟ་བུར་ཁོང་དུ་ཆུད་པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་
D44.037.0129a03.01བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་དགོངས་པས་ཤིན་ཏུ་བྱིན་གྱིས་བརླབས་པས། ཆོས་ཀྱི་
D44.037.0129a04.01འཁོར་ལོ་རབ་ཏུ་བསྐོར་བ་ནི། ཡོང་གིས་ལྡང་བ་མེད་པའི་ཚུལ་གྱིས་འཁོར་བ་མེད་ཅིང་མངོན་པར་གྲུབ་པ་མེད་པར་ཤེས་པར་བྱའོ། །ཆོས་ཀྱི་འཁོར་ལོ་བསྐོར་བ་ནི་མཐར་ལྟ་བ་ཐམས་ཅད་དང་བྲལ་བའི་ཚུལ་གྱིས་འཁོར་གསུམ་ཡོངས་སུ་གཅོད་
D44.037.0129a05.01པ་ཤིན་ཏུ་ཆད་པར་ཤེས་པར་བྱའོ། །ནམ་མཁའི་མཐའ་ཁོང་དུ་ཆུད་པའི་ཚུལ་གྱིས་འདོད་ཆགས་དང་བྲལ་བའི་མཐའི་མཐའ་མེད་པར་ཤེས་པར་བྱའོ། །ཆོས་ཀྱི་འཁོར་ལོ་བསྐོར་བ་ནི་བརྗོད་དུ་མེད་པའི་ཚུལ་གྱིས་སྨོས་སུ་མེད་པར་ཤེས་པར་བྱའོ། །
D44.037.0129a06.01ཆོས་ཀྱི་འཁོར་ལོ་བསྐོར་བ་ནི་མྱ་ངན་ལས་འདས་པའི་རང་བཞིན་གྱིས་ཤིན་ཏུ་ཞི་བར་ཤེས་པར་བྱའོ། །ཆོས་ཀྱི་འཁོར་ལོ་བསྐོར་བ་ནི་དེ་བཞིན་གཤེགས་པའི་གསུང་གིས་ཐམས་ཅད་དུ་ཁྱབ་པའི་ཕྱིར་ཡི་གེ་དང་སྒྲ་དང་དབྱངས་དང་སྐད་སྣ་ཚོགས་སུ་འཁོར་
D44.037.0129a07.01