完整藏文原文 · 德格版页 当前仅加载第 37 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་སྣང་བ་ལ་ཡང་། རབ་ཏུ་མཁྱེན་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི། སངས་རྒྱས་ཀྱི་ཐབས་མཁས་པ་གཉིས་པའོ། །སངས་རྒྱས་བཅོམ་ལྡན་འདས་རྣམས་ནི་མཚན་མའི་མཐའ་ཐམས་ཅད་མི་མངའ་སྟེ།
D44.037.0018a01.01མཚན་མ་ཐམས་ཅད་དང་མི་འགྲོགས་ཤིང་། མཚན་མའི་མངོན་པར་ཤེས་པ་ཐམས་ཅད་དང་མ་འདྲེས་ལ་དེའི་རང་བཞིན་དུ་ངོ་བོ་ཉིད་མེད་པ་དང་། ཇི་ལྟར་ངོ་བོ་ཉིད་མེད་པའི་སྒྲའི་ཚུལ་ཐམས་ཅད་ཐུགས་སུ་ཆུད་ཀྱང་གཟུགས་ཀྱི་མཚན་མའི་སྐུ་
D44.037.0018a02.01གཟུགས་རྣམ་པར་དག་པ་གྲངས་མེད་པ་དང་། ཞིང་གི་མཚན་མ་དང་རྣམ་པར་སྤྱོད་པའི་མཚན་མ་ཟད་མི་ཤེས་པ་རྣམ་པ་སྣ་ཚོགས་ཡང་དག་པར་བསྟན་ཅིང་བཤད་པའི་ཡེ་ཤེས་ཀྱི་ཕུང་པོ་མུན་པ་མེད་པ་འགྲོ་བ་ཐམས་ཅད་ཀྱི་སྒྲོན་མ་ཆེན་པོར་གྱུར་པས། མུན་
D44.037.0018a03.01པ་མེད་པའི་སྣང་བ་སྟོན་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་མཁས་པ་གསུམ་པའོ། །ཆགས་པ་མེད་པའི་མཐའ་ནི་སྔོན་གྱི་མཐའ་ཡང་མ་ཡིན། ཕྱི་མའི་མཐའ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། ཆོས་
D44.037.0018a04.01ཀྱི་དབྱིངས་སུ་གནས་པ་ནི་འདས་པའམ། མ་འོངས་པའམ། ད་ལྟར་བྱུང་བ་ཡང་མ་ཡིན་པས་དེ་བཞིན་ཉིད་ཀྱི་མཚན་ཉིད་ཀྱིས་འབྱུང་བ་མེད་ཀྱང་། སངས་རྒྱས་འབྱུང་བ་རྣམས་ཀྱི་རིགས་ཚད་མེད་པའི་ཕྱིར་ཤིན་ཏུ་བསྟན་པ་བརྗོད་དུ་མེད་པས་
D44.037.0018a05.01འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་སྐྱེ་བ་ཡང་རབ་ཏུ་བརྗོད་ཅིང་ཀུན་ཏུ་གཟིགས་པའི་སངས་རྒྱས་ཀྱི་ཡུལ་གྱིས་དེ་བཞིན་དུ་གཟིགས་པ་འདི་ནི། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་མཁས་
D44.037.0018a06.01པ་བཞི་པའོ། །སངས་རྒྱས་བཅོམ་ལྡན་འདས་རྣམས་ནི་སྐུའི་ཕྲིན་ལས་དང་གསུང་གི་ཕྲིན་ལས་དང་། ཐུགས་ཀྱི་ཕྲིན་ལས་ཀྱིས་མངོན་པར་འདུ་མཛད་པ་ཡང་མི་མངའ་ལ། ཡོངས་སུ་བླང་བ་མི་མངའ་བས་བཞུགས་ཤིང་། རྣམ་པར་ཕྱེ་བ་མེད་
D44.037.0018a07.01