完整藏文原文 · 德格版页 当前仅加载第 37 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྦྱིན་པ་ཡོངས་སུ་གཏོང་བའི་ངང་ཚུལ་ཅན། བཞིན་འཛུམ་པ་སྙན་པར་སྨྲ་བ་ཚིག་འཇམ་པ། སེམས་ཅན་ཐམས་ཅད་ཀྱི་སེམས་མངོན་པར་དགའ་བ། དོན་ཡང་དག་པ་ཇི་ལྟ་བ་བཞིན་ལ་རབ་ཏུ་སྦྱོར་བ། སངས་རྒྱས་ཀྱི་བྱང་ཆུབ་
D44.037.0207a01.01ཀྱི་དོན་ཁོང་དུ་ཆུད་པར་བྱེད་པ། མི་མཉམ་པའི་སེམས་མེད་པ། སེམས་ཅན་ཐམས་ཅད་ལ་སྙོམས་པར་དོན་དུ་སེམས་པ་དག་སྟེ། ཀྱེ་རྒྱལ་བའི་སྲས་དེ་ལྟར་མ་བསྟན་པར་སེམས་ཅན་གྱི་ཁམས་ཡོངས་སུ་བསྡུ་བའི་ཕྱིར་ནན་ཏན་དུ་བྱེད་པ་འདི་ནི་བྱང་ཆུབ་
D44.037.0207a02.01སེམས་དཔའ་རྣམས་ཀྱི་མ་འདྲེས་པ་སྟེ། དེ་ལྟར་བསྡུ་བའི་དངོས་པོའི་ལམ་དང་མཐུན་པ་དེ་ནི་བྱང་ཆུབ་སེམས་དཔའ་རྣམས་ཀྱི་མ་འདྲེས་པ་གཉིས་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཡོངས་སུ་བསྔོ་བའི་ཚུལ་ལ་མཁས་ཤིང་རྣམ་པར།
D44.037.0207a03.01སྨིན་པ་ལ་རེ་བ་མེད་པར། སངས་རྒྱས་ཀྱི་བྱང་ཆུབ་ཀྱི་རྗེས་སུ་སོང་བར་ཡོངས་སུ་བསྔོ་ཞིང་འཇིག་རྟེན་གྱི་སྙོམས་པར་འཇུག་པ་ཐམས་ཅད་ལ་ཡེ་བརྔམ་པ་མེད་པས། དེ་བཞིན་གཤེགས་པའི་ཡེ་ཤེས་ལ་རབ་ཏུ་གནས་ཤིང་སེམས་ཅན་གྱི་དོན་དུ་ཡོངས་སུ་བསྔོ་སྟེ། ཀྱེ་
D44.037.0207a04.01རྒྱལ་བའི་སྲས་དེ་ལྟར་མ་བསྟན་པར་དགེ་བའི་རྩ་བ་ཐམས་ཅད་བརྩམ་པ་དང་། སངས་རྒྱས་ཀྱི་ཡེ་ཤེས་དེ་ལྟར་ཚོལ་ཞིང་སེམས་ཅན་གྱི་དོན་ཡོངས་སུ་ཚོལ་བ་འདི་ནི་བྱང་ཆུབ་སེམས་དཔའ་རྣམས་ཀྱི་མ་འདྲེས་པ་སྟེ། འདི་ནི་བྱང་ཆུབ་སེམས་དཔའ་རྣམས་ཀྱི་
D44.037.0207a05.01ཆོས་མ་འདྲེས་པ་གསུམ་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཐབས་མཁས་པའི་ཕ་རོལ་ཏུ་ཕྱིན་པ་དམ་པ་ཐོབ་པས་སེམས་ཅན་ཐམས་ཅད་ཀྱི་རྗེས་སུ་འབྲང་ཞིང་འཇིག་རྟེན་པ་ཐམས་ཅད་ཀྱི་ལམ་ལ་ཡོངས་སུ་སྐྱོ་བ་མེད་པའི་ཡིད་དང་ལྡན་ཏེ།
D44.037.0207a06.01འཕགས་པའི་སྤྱོད་ཡུལ་ལ་མངོན་དུ་བལྟས་ལ། ཉན་ཐོས་དང་རང་སངས་རྒྱས་ཐམས་ཅད་ཀྱི་འབྱུང་བ་ལས་ཕྱིར་ཕྱོགས་ཏེ། སེམས་ཅན་ཐམས་ཅད་ཡོངས་སུ་སྨིན་པ་ལ་མངོན་པར་བརྩོན་ཞིང་། བདག་གི་བདེ་བ་ལ་ཆགས་པ་མེད་དེ། བསམ་གཏན་
D44.037.0207a07.01