完整藏文原文 · 德格版页 当前仅加载第 37 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ཏེ། །ལ་ལ་ནི་ཆོས་ཀྱི་སྐུ་ལ་འཇུག་གོ །ལ་ལ་ནི་གཟུགས་ཀྱི་སྐུ་ལ་འཇུག་གོ །ལ་ལ་ནི་སྔོན་གྱི་བྱང་ཆུབ་སེམས་དཔའི་ཡོངས་སུ་བསྒྲུབ་པ་ལ་འཇུག་གོ །ལ་ལ་ནི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་ལ་འཇུག་གོ །ལ་ལ་ནི་སྤྱོད་པའི་དཀྱིལ་འཁོར་ཡོངས་སུ་དག་པའི་
D44.037.0304b01.01རྒྱན་ལ་འཇུག་གོ །ལ་ལ་ནི་བྱང་ཆུབ་སེམས་དཔའི་ས་ཡི་རྣམ་པར་འཕྲུལ་པ་ལ་འཇུག་གོ །ལ་ལ་ནི་མངོན་པར་བྱང་ཆུབ་པའི་རྣམ་པར་འཕྲུལ་པ་ལ་འཇུག་གོ །ལ་ལ་ནི་སངས་རྒྱས་རྣམ་པར་སྤྱོད་པའི་ཏིང་ངེ་འཛིན་ཐ་{མྱི་,མི་}དད་པའི་རྣམ་པར་འཕྲུལ་པ་ལ་འཇུག་གོ །ལ་ལ་
D44.037.0304b02.01ནི་དེ་བཞིན་གཤེགས་པའི་སྟོབས་དང་{མྱི་,མི་}བསྙེངས་པ་ལ་འཇུག་གོ །ལ་ལ་ནི་སངས་རྒྱས་ཀྱི་སོ་སོ་ཡང་དག་པར་རིག་པ་རྒྱ་མཚོ་ལ་འཇུག་གོ །དེ་དག་ལ་{སྩོགས་,སོགས་}པ་སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་
D44.037.0304b03.01བ་སྙེད་ལ་འཇུག་སྟེ་མོས་པ་སྣ་ཚོགས་དང་ལམ་སྣ་ཚོགས་དང་། སྒོ་སྣ་ཚོགས་དང་། འཇུག་པ་སྣ་ཚོགས་དང་། འབབ་པ་སྣ་ཚོགས་དང་། རྣམ་པ་སྣ་ཚོགས་དང་། རྗེས་སུ་འབྲང་བ་སྣ་ཚོགས་དང་། ཕྱོགས་སྣ་ཚོགས་དང་སྣོད་སྣ་ཚོགས་དང་ཡུལ་སྣ་ཚོགས་དང་། འཇིག་རྟེན་
D44.037.0304b04.01སྣ་ཚོགས་དང་ཁོང་དུ་ཆུད་པ་སྣ་ཚོགས་དང་། ཚོགས་སྣ་ཚོགས་དང་རྣམ་པར་འཕྲུལ་པ་སྣ་ཚོགས་དང་། ཐབས་སྣ་ཚོགས་དང་ཏིང་ངེ་འཛིན་སྣ་ཚོགས་ཀྱིས་སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་དེ་དག་ལ་འཇུག་གོ །ཏིང་ངེ་འཛིན་སྣ་ཚོགས་ཀྱིས་འཇུག་པ་འདི་ལྟ་སྟེ།
D44.037.0304b05.01བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་ཀུན་ནས་བརྒྱན་པ་དང་། བྱང་ཆུབ་སེམས་དཔའི་ཏིང་ངེ་འཛིན་དུས་གསུམ་ཐམས་ཅད་ལ་ཐོགས་པ་མེད་པར་ཡུལ་སྣང་བར་བྱེད་པ་དང་། བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་ཀྱི་གཞི་ཐ་{མྱི་,མི་}དད་པའི་
D44.037.0304b06.01ཡེ་ཤེས་སྣང་བ་དང་། བྱང་ཆུབ་སེམས་དཔའི་ཏིང་ངེ་འཛིན་དེ་བཞིན་གཤེགས་པའི་ཡུལ་གྱི་དབྱིངས་ལ་འཇུག་པ་དང་། བྱང་ཆུབ་སེམས་དཔའི་ཏིང་ངེ་འཛིན་ནམ་མཁའི་དབྱིངས་སུ་སྣང་བ་དང་། བྱང་ཆུབ་སེམས་དཔའི་ཏིང་ངེ་འཛིན་དེ་བཞིན་གཤེགས་པའི་སྟོབས་
D44.037.0304b07.01