完整藏文原文 · 德格版页 当前仅加载第 37 函德格 363a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོགས་པ་མེད་དོ། །འཇིག་རྟེན་གྱི་ཁམས་ཡོངས་སུ་དག་པར་བྱ་བ་ལ་ཐོགས་པ་མེད་དོ། །སངས་རྒྱས་བལྟ་ཞིང་རྣམ་པར་དམིགས་པར་བྱ་བ་ལ་ཐོགས་པ་མེད་དོ། །སངས་རྒྱས་ཀྱི་བདག་ཉིད་ཆེ་བ་བརྟག་པ་ལ་ཐོགས་
D44.037.0363a01.01པ་མེད་དོ། །སངས་རྒྱས་ཀྱི་རྣམ་པར་འཕྲུལ་པ་ཡོངས་སུ་ཤེས་པར་བྱ་བ་ལ་ཐོགས་པ་མེད་དོ། །སངས་རྒྱས་ཀྱི་སྟོབས་ལ་འཇུག་ཅིང་ཁོང་དུ་ཆུད་པར་བྱ་བ་ལ་ཐོགས་པ་མེད་དོ། །སངས་རྒྱས་ཀྱི་ཡོན་ཏན་རྒྱ་མཚོར་འཇུག་པ་ལ་ཐོགས་པ་མེད་དོ། །སངས་
D44.037.0363a02.01རྒྱས་ཀྱི་ཆོས་ཀྱི་སྤྲིན་གྱི་ཆར་ཡོངས་སུ་གཟུང་བ་ལ་ཐོགས་པ་མེད་དོ། །སངས་རྒྱས་ཀྱི་ཆོས་ཀྱི་འཁོར་ལོ་འཁོར་མ་འདྲེས་པ་ཤེས་ཤིང་ཁོང་དུ་ཆུད་པར་བྱ་བ་ལ་ཐོགས་པ་མེད་དོ། །སངས་རྒྱས་ཀྱི་འཁོར་གྱི་དཀྱིལ་འཁོར་རྒྱ་མཚོ་ལ་འཇུག་ཅིང་
D44.037.0363a03.01ཁོང་དུ་ཆུད་པར་བྱ་བ་ལ་ཐོགས་པ་མེད་དོ། །ཕྱོགས་བཅུར་འཇུག་ཅིང་རྗེས་སུ་བགྲང་བར་བྱ་བ་ལ་ཐོགས་པ་མེད་དོ། །སངས་རྒྱས་ཀྱི་ཆོས་བསྟན་པ་རྗེས་སུ་བརྟག་པར་བྱ་བ་ལ་ཐོགས་པ་མེད་དོ། །སངས་རྒྱས་ཀྱི་ཕྱོགས་རྗེས་སུ་བརྟག་པར་བྱ་བ་ལ་
D44.037.0363a04.01ཐོགས་པ་མེད་དོ། །སྙིང་རྗེ་ཆེན་པོའི་ཕྱོགས་རྣམ་པར་མི་སྤང་བ་ལ་ཐོགས་པ་མེད་དོ། །བྱམས་པས་ཕྱོགས་རྒྱས་པར་དགང་བ་ལ་ཐོགས་པ་མེད་དོ། །སངས་རྒྱས་བལྟ་བའི་ཕྱོགས་ལ་འཇུག་པས་མི་ངོམས་པར་བྱ་བ་ལ་ཐོགས་པ་མེད་དོ། །
D44.037.0363a05.01སེམས་ཅན་རྒྱ་མཚོ་ཐམས་ཅད་དུ་འཇུག་ཅིང་ཁོང་དུ་ཆུད་པར་བྱ་བ་ལ་ཐོགས་པ་མེད་དོ། །སེམས་ཅན་གྱི་དབང་པོ་རྒྱ་མཚོ་ཐམས་ཅད་ཤེས་ཤིང་ཁོང་དུ་ཆུད་པར་བྱ་བ་ལ་ཐོགས་པ་མེད་དོ། །སེམས་ཅན་གྱི་དབང་པོ་ཐ་དད་པ་ཐམས་ཅད་ཤེས་པར་བྱ་བ་ལ་ཐོགས་
D44.037.0363a06.01པ་མེད་དོ། །རིགས་ཀྱི་བུ་ཁོ་བོས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣམ་པར་སྤྱོད་པ་འདི་ཤེས་སུ་ཟད་ན། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣམ་པར་སྤྱོད་པ་རྒྱ་མཚོ་ལ་ཞུགས་པ་ཆོས་ཀྱི་དབྱིངས་ཀྱི་ཡུལ་ལ་བློ་གྲོས་རྣམ་པར་
D44.037.0363a07.01