完整藏文原文 · 德格版页 当前仅加载第 37 函德格 334b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་ཐམས་ཅད་རྒྱས་པར་དགང་བ་དང་མི་འབྲལ་བ་དང་། དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཐམས་ཅད་རྣམ་པར་དམིགས་པར་བགྱི་བའི་སླད་དུ་སངས་རྒྱས་ཀྱི་རྣམ་པར་འཕྲུལ་པ་མཐོང་བ་དང་མི་འབྲལ་བ་དང་། བྱང་ཆུབ་
D44.037.0334b01.01སེམས་དཔའི་སྤྱོད་པ་སྤྲུལ་པ་ལྟ་བུས་སྲིད་པའི་རྒྱུད་ཐམས་ཅད་དུ་སྐྱེ་ཞིང་འཆི་འཕོ་བའི་སྐྱེ་མཆེད་རང་གི་ལུས་ཀྱིས་ཉམས་སུ་མྱོང་བར་བགྱི་བའི་སླད་དུ་འདུས་བྱས་ཀྱི་གནས་དང་མི་འབྲལ་བ་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྤྲིན་ཡོངས་སུ་གཟུང་
D44.037.0334b02.01བའི་སླད་དུ་ཆོས་མཉན་པ་དང་མི་འབྲལ་བ་དང་། དུས་གསུམ་གྱི་ཡེ་ཤེས་ཁོང་དུ་ཆུད་ཅིང་རྗེས་སུ་འབྲང་བར་བགྱི་བའི་སླད་དུ། ཡེ་ཤེས་སྣང་བ་དང་མི་འབྲལ་བར་འགྱུར་བ་དེ་བདག་ལ་བསྟན་དུ་གསོལ། དེ་སྐད་ཅེས་སྨྲས་པ་དང་། དགེ་སློང་ཤིན་ཏུ་བརྟན་
D44.037.0334b03.01པས་ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །དེ་ལྟར་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། སངས་རྒྱས་ཀྱི་ཆོས་དང་ཐམས་ཅད་མཁྱེན་པའི་ཆོས་དང་རང་བྱུང་གི་ཆོས་འདྲི་བ་ལེགས་སོ། །ལེགས་སོ། །
D44.037.0334b04.01རིགས་ཀྱི་བུ་ཁོ་བོ་ནི་བྱང་ཆུབ་སེམས་དཔའི་རྣམ་པར་ཐར་པ་ཐོགས་པ་མེད་པའི་སྒོ་ཐོབ་པ་སྟེ། རིགས་ཀྱི་བུ་བྱང་ཆུབ་སེམས་དཔའི་རྣམ་པར་ཐར་བ་ཐོགས་པ་མེད་པའི་སྒོ་དེ་ཁོ་བོས་བླངས་ཏེ། ཡོངས་སུ་བཟུང་ནས་རྗེས་སུ་འབྲང་ཞིང་རྣམ་པར་དབྱེ་བ་དང་། རྣམ་པར་
D44.037.0334b05.01དཔྱད་པ་དང་རྣམ་པར་བརྟག་པ་དང་སྣང་བར་བྱ་བ་དང་། རབ་ཏུ་སྣང་བར་བྱས་པས་ཐོགས་པ་མེད་པའི་མཐའ་ཞེས་བྱ་བའི་ཡེ་ཤེས་སྣང་བ་ཐོབ་བོ། །དེ་ཐོབ་པས་ཁོ་བོ་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ཁོང་དུ་ཆུད་པར་བྱ་བ་ལ་ཐོགས་པ་
D44.037.0334b06.01མེད་དོ། །སེམས་ཅན་ཐམས་ཅད་ཀྱི་སྐྱེ་བ་དང་འཆི་འཕོ་ཡོངས་སུ་ཤེས་པར་བྱ་བ་ལ་ཐོགས་པ་མེད་དོ། །སྔོན་གྱི་གནས་རྗེས་སུ་དྲན་པར་བྱ་བའི་སྒོར་འཇུག་པ་ལ་ཐོགས་པ་མེད་དོ། །ཕྱི་མའི་མཐའི་བསྐལ་པར་འགྲོ་བ་ཐམས་ཅད་དང་འགྲོགས་པར་བྱ་བ་ལ་ཐོགས་
D44.037.0334b07.01